default_image

9 months ago

October 15, 2023

इंग्ल्यान्डमाथि अफगानिस्तानको ऐतिहासिक जित

4900 views

0 Bookmark

एजेन्सी – अफगानिस्तानले आइसिसी विश्वकप २०२३ मा साविक विजेता इंग्ल्यान्डमाथि ६९ रनको ऐतिहासिक जित हात पारेको छ । अफगानिस्तानले आफ्नो क्रिकेट इतिहासमा पहिलो पटक विश्वकप विजेता इंग्ल्यान्डलाई हराएको छ ।


जितको लागि २ सय ८५ रनको विजयी लक्ष्य पछ्याएको इंग्ल्यान्ड ४०.३ ओभरमा २ सय १५ रनमा अल आउट भयो । इंग्ल्यान्डका ह्यारी ब्रुकले ६१ बलमा ७ चौका र १ छक्कासहित सर्वाधिक ६६ रन बनाए । तर त्यो जितको लागि पर्याप्त थिएन । ब्रुक बाहेक अन्य कुनैपनि ब्याटरले राम्रो प्रदर्शन गर्न सकेनन् । अफगानिस्तानका स्पिनरले उत्कृष्ट ब्याटिङ लाइनअप भएको इंग्ल्यान्डलाई सुरुवात देखी नै दबाबमा राखेका थिए ।

तीव्र गतिका बलर फजलहक फारुकीले दोस्रो ओभरको पहिलो बलमा ओपनर जोनी बेयरस्टोलाई २ रनमा एलबीडब्लू आउट गरे । सातौं ओभरको पाँचौं बलमा मुजिब उर रहमानले जो रुटलाई ११ रनमा बोल्ड आउट गरे । त्यसपछि इंग्ल्यान्ड दबाबमा आउँदा खुलेर रन बनाउन सकेन ।

डेविड मलान ३९ बलमा ४ चौकासहित ३२ रनमा आउट भए । स्पिनर मोहम्मद नाबीले मलानलाई एक्स्ट्रा कभरमा इब्राहिम जद्रानबाट क्याच आउट भए । तीव्र गतिका बलर नविन उल हकको इनस्वींग बलमा जस बटलर ९ रनमा बोल्ड आउट भएपछि इंग्ल्यान्ड १७.२ ओभरमा ९१–४ को अवस्थामा पुगेको थियो ।

राशिद खानले लियाम लिभिङस्टोनलाई १० रनमा एलबीडब्लू आउट गरे । नाबीको बलमा साम करन एज लागेर स्लिपमा रहमात शाहबाट १० रनमा क्याच आउट भए ।

मुजिबले क्रिस वोक्सलाई ९ रनमा बोल्ड आउट गरेपछि ३३ ओभरमा १६०–७ को दयनीय अवस्थामा पुगेको थियो । इंग्ल्यान्डले लगातार विकेट गुमाउँदा मध्यक्रमका ब्याटर ह्यारी ब्रुकले लगातार रन जोड्दै इंग्ल्यान्डको जितको आशा कायमै राखेका थिए ।


तर ३५ औं ओभरको दोस्रो बलमा ह्यारी ब्रुक मुजिबको बलमा कट बिहाइन्ड आउट भएपछि जितको सम्भावना समाप्त भएको थियो ।

अफगानिस्तानको जितमा मुजिब उर रहमानले १० ओभरमा १ मेडनसहित ५१ रन खर्चेर सर्वाधिक ३ विकेट लिए । राशिद खानले ९.३ ओभरमा १ मेडनसहित ३७ रन खर्चेर ३ विकेट लिए । मोहम्मद नाबीले ६ ओभरमा १६ रन खर्चेर २ विकेट लिए । नविन र फजलहकले समान एक विकेट लिए ।

त्यसअघि अरुण जेट्ली स्टेडियम दिल्लीमा टस हारेर पहिला ब्याटिङको निम्तो पाएको अफगानिस्तान ४९.४ ओभरमा २ सय ८४ रनमा अल आउट भएको थियो । अफगानिस्तानका ओपनर रहमानउल्लाह गुरबाजले ५७ बलमा ८ चौका र ४ छक्कासहित सर्वाधिक ८० रन बनाए । उनी रन आउट भएका थिए ।

ओपनर रहमानउल्लाह गुरबाज र इब्राहिम जद्रानले १६।४ ओभरमा १ सय १४ रनको सानदार शतकीय साझेदारी गरेका थिए । स्पिनर आदिल राशिदले जो रुटबाट जद्रानलाई २८ रनमा क्याच आउट गराए ।

मध्यक्रमका ब्याटरको प्रदर्शन भने राम्रो हुन सकेन । आदिल राशिदले रहमात शाहलाई ३ रनमा विकेटकिपर जस बटलरबाट स्टम्पिङ आउट गराएका थिए । जो रुटले हश्मातुल्लाह शाहिदीलाई १४ रनमा बोल्ड आउट गरेका थिए ।

आजमतुल्लाह ओमरजाई १९ र मोहम्मद नाबी ९ रनमा आउट भए । तल्लोक्रमका इक्रम अलीखिलले ६६ बलमा ३ चौका र २ छक्कासहित ५८ रन बनाए । मुजिब उर रहमान १६ बलमा ३ चौका र १ छक्कासहित २८ र राशिद खान २३ रनमा आउट भए ।

इंग्ल्यान्डका आदिल राशिदले १० ओभरमा १ मेडनसहित ४२ रन खर्चेर ३ विकेट लिए । मार्क वुडले ९ ओभरमा ५० रन खर्चेर २ विकेट लिए । रिस टोप्ली, लियाम लिभिङस्टोन र जो रुटले एक एक विकेट लिए ।

इंग्ल्यान्ड पहिलो खेलमा न्युजिल्यान्डसँग ९ विकेटले पराजित भएको थियो । इंग्ल्यान्डले बंगलादेशलाई १ सय ३७ रनले हराएको थियो । इंग्ल्यान्डले अव शनिबार दक्षिण अफ्रिकासँग खेल्नेछ । अफगानिस्तान पहिलो खेलमा बंगलादेशसँग ६ विकेट र भारतसँग ८ विकेटले हराएको थियो । अफगानिस्तानले अव बुधबार न्युजिल्यान्डसँग खेल्नेछ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.