default_image

1 month ago

October 19, 2023

नेपालको लगातार दोस्रो जित

मुलपानी –हाम्रो खेलकुद) नेपालले त्रिकोणात्मक टि२० आई सिरिजमा हङकङलाई ६ विकेटले हराउँदै लगातार दोस्रो जित हात पारेको छ । दोस्रो जितसँगै नेपाल फाइनल नजिक पुगेको छ । जितको लागि ९५ रनको विजयी लक्ष्य पछ्याएको नेपालले १३.५ ओभरमा ४ विकेट गुमाउँदै पूरा गर्यो । कप्तान रोहित पौडेल २० बलमा १ चौका र २ छक्कासहित २५ रनमा […]

4250 views

0 Bookmark

मुलपानी –हाम्रो खेलकुद) नेपालले त्रिकोणात्मक टि२० आई सिरिजमा हङकङलाई ६ विकेटले हराउँदै लगातार दोस्रो जित हात पारेको छ । दोस्रो जितसँगै नेपाल फाइनल नजिक पुगेको छ ।

जितको लागि ९५ रनको विजयी लक्ष्य पछ्याएको नेपालले १३.५ ओभरमा ४ विकेट गुमाउँदै पूरा गर्यो । कप्तान रोहित पौडेल २० बलमा १ चौका र २ छक्कासहित २५ रनमा नट आउट रहे । निजाकत खानलाई रोहितले विजयी छक्का प्रहार गरेका थिए ।

ओपनर आसिफ शेखले ३४ बलमा ६ चौकासहित सर्वाधिक ४२ रन बनाए । स्पिनर एहसान खानको बलिङ सामु नेपालका शीर्षक्रमका ब्याटरले संघर्ष गरेका थिए । खानको चौथो ओभरको दोस्रो बलमा कुशल भुर्तेल ८ रनमा बोल्ड आउट भए ।

उनकै बलमा कुशल मल्ल १ रनमा बोल्ड आउट भए । सन्दीप जोरा पनि एहसान खानकै बलमा ३ रनमा बोल्ड आउट भएका थिए । गुलशन झा ५ बलमा २ छक्कासहित १४ रनमा नट आउट रहे ।

हङकङका एहसान खानले ४ ओभरमा १० रन खर्चेर ३ विकेट लिए । यासिम मुर्तजाले ४ ओभरमा ३६ रन खर्चेर १ विकेट लिए ।

त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको हङकङ १९.३ ओभरमा ९४ रनमा अलआउट भएको थियो । नेपालको बलिङ सामु हङकङका कुनैपनि ब्याटरले राम्रो प्रदर्शन गर्न सकेनन् । मध्यक्रमका ब्याटरले यासिम मुर्तजाले ३६ बलमा २ चौका र १ छक्कासहित सर्वाधिक ३६ रन बनाए ।

पहिलो बलमै कप्तानलाई गुमाएको हङकङ त्यसपछि लगातार विकेट खस्दा सामान्य स्कोरमा सिमित हुन पुग्यो । उनी अभिनाश बोहोराको ५० औं टि२०आई विकेट बनेका थिए ।

इनिङको पहिलो बलमै करणको इनस्वींग बलमा कप्तान निजाकत बोल्ड भएका थिए । त्यसपछि तीव्र गतिका बलरले लगातार विकेट लिएपछि शीर्षक्रम धराशायी बनेको थियो ।

तेस्रो ओभरको तेस्रो बलमा अंशुमन रथ करणकै बलमा कट बिहाईन्ड भए । चौथो ओभरको अन्तिम बलमा सोमपाल कामीले २ रन जोडेका मार्टिन कोट्जीलाई बोल्ड गरे ।

पाँचौ ओभरमा बाबर हायातले ठूलो सट खेल्दा कुशल भुर्तेलको हातबाट क्याच भए । करणको बलमा मिड अफमा कुशलले डाइभ दिँदै उत्कृष्ट क्याच गरे ।

एक समय ३३-५ को स्थितिमा रहेको हङकङलाई मुर्तजा र जिशान अलीले ३० रनको साझेदारी गर्दै सम्मानजनक योगफलसम्म पुर्याए । जिशानले २० बलमा २ चौकासहित १७ रन जोडे । उनी श्यामको राष्ट्रिय टोली करिअरको पहिलो शिकार बने । हङकङका ९ ब्याट्सम्यानले दोहोरो स्कोर जोड्न सकेनन् ।

नेपालका लागि करण केसीले ४ ओभरमा १५ रन खर्चेर ४ विकेट लिए । उनलाई अभिनाश बोहोराले २ तथा सोमपाल कामी, कुशल मल्ल र श्याम ढकालले १-१ विकेट लिए । नेपालले पहिलो खेलमा युएईलाई ७ विकेटले हराएको थियो ।

नेपालको खेल तालिका र समय

कार्तिक ४ (अक्टोबर २१) : नेपालविरुद्ध हङकङ, मुलपानी – दिउँसो ११ बजे

कार्तिक ६ (अक्टोबर २३) : नेपालविरुद्ध युएई, मुलपानी – दिउँसो ११ बजे

कार्तिक १० (अक्टोबर २७) : शीर्ष दुई टोली फाइनल, टियु मैदाान – दिउँसो ११ बजे

November 30, 2023

बागमती प्रदेशले महिला क्रिकेट छनोटको लागि २५ लाख दिने

काठमाडौं (हाम्रो खेलकुद) – प्रधानमन्त्री कप महिला टि२० छनोट अन्तर्गत प्रदेश छनोटका लागि बागमती प्रदेशले २५ लाख रुपैयाँ प्रदान गर्ने भएको छ । बागमती प्रदेश खेलकुद विकास परिषद् ले बागमती प्रदेश क्रिकेट संघसँगको सहकार्यमा प्रधानमन्त्री कप महिला क्रिकेट छनोट प्रतियोगिता आयोजना गर्दैछ । बिहीबार एक विज्ञप्ती जारी गर्दै प्रदेश खेलकुद विकास परिषद्, बागमतीले प्रदेशले प्रदेश […]

November 30, 2023

एपिएफलाई हराउँदै मधेश पहिलो पटक फाइनलमा

काठमाडौं (हाम्रो खेलकुद) – मधेश प्रदेशले केपी ओली टि२० कपको दोस्रो सेमिफाइनल खेलमा नेपाल एपिएफ क्लबलाई ११ रनले हराउँदै पहिलो पटक फाइनलमा पुगेको छ । मधेश पहिलो पटक फाइनलमा पुगेको हो । उपाधिको लागि मधेशले आर्मीसँग खेल्नेछ । जितको लागि १ सय ९८ रनको विशाल विजयी लक्ष्य पछ्याएको एपिएफले २० ओभरमा ९ विकेट गुमाउँदै १ […]

November 30, 2023

टि२० विश्वकप खेल्ने २० टोलीको नै टुङ्गो

काठमाडौं (हाम्रो खेलकुद) – आइसिसी टि२० विश्वकप २०२४ मा सहभागिता जनाउने सबै २० टोलीको नै टुङ्गो लागेको छ । अफ्रिका छनोटबाट नामिबिया र युगान्डा छनोट भएसँगै विश्वकप खेल्ने सबै टोलीको टुङ्गो लागेको हो । विश्वकप आगामी २०२४ जुन ४ देखी ३० सम्म अमेरिका र वेस्टइन्डिज संयुक्त रुपमा आयोजना गर्नेछन् । उक्त विश्वकपमा नेपालसँगै अमेरिका, वेस्टइन्डिज, […]

Success

Thank you for your time.