default_image

8 months ago

October 22, 2023

हङकङमाथि युएईको सानदार जित

2971 views

0 Bookmark

एजेन्सी – युएईले त्रिकोणात्मक टि२० आई सिरिजमा हङकङमाथि ६ विकेटको सानदार जित हात पारेको छ । जितको लागि १ सय ५० रनको मध्यम लक्ष्य पछ्याएको युएईले १८ ओभरमा ४ विकेट गुमाउँदै पूरा गर्यो ।


युएईको जितमा कप्तान मोहम्मद वासिमले १७ बलमा ४ चौका र ३ छक्कासहित सर्वाधिक ४० रनको योगदान दिए । अर्का ओपनर खालिद शाहले ३२ बलमा १ चौका र ३ छक्कासहित ३७, वृत्य अरविन्द २९, एलिशान शरुफु २० र बासिल हामिद ११ रन बनाए ।

हङकङका स्पिनर यासिम मुर्तजाले ४ ओभरमा २० रन खर्चेर २ विकेट लिए । एहसान खान र निजाकत खानले एक एक विकेट लिए ।

त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको हङकङले निर्धारित २० ओभरमा ५ विकेट गुमाउँदै १ सय ४९ रन बनाएको थियो ।

हङकङका बाबर हायतले ४५ बलमा ३ चौका र ५ छक्कासहित सर्वाधिक ६६ रन बनाए । एजिज खानले ४३ बलमा ३ चौका र १ छक्कासहित ४८ रनमा नट आउट रहे । अन्य ब्याटरले राम्रो प्रदर्शन गर्न सकेनन् ।

युएईका जहुर खानले ४ ओभरमा २१ रन खर्चेर ३ विकेट लिए । निलांश केश्वानीले ४ ओभरमा २८ रन खर्चेर २ विकेट लिए । नेपाल चार मध्य तीन खेलमा जितका साथ फाइनलमा पुगेको छ ।

युएईले सोमबार नेपालसँग खेल्नेछ । उक्त खेलमा युएई विजयी भएमा फाइनलमा पुग्नेछ । तर नेपालसँग पराजित भएमा युएईले हङकङलाई हराउनु पर्ने हुन्छ । हङकङसँग पराजित भएमा भने नेटरनरेटमा निर्भर हुनेछ । युएई र हङकङबीचको खेल बुधबार हुनेछ । फाइनल शुक्रबार हुनेछ ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.