default_image

7 months ago

October 24, 2023

पाकिस्तानमाथि अफगानिस्तानको ऐतिहासिक जित

602 views

0 Bookmark

एजेन्सी – अफगानिस्तानले आइसिसी विश्वकप २०२३ मा पाकिस्तानमाथि ८ विकेटको ऐतिहासिक जित हात पारेको छ । अफगानिस्तानले पहिलो पटक ओडिआई खेलमा पाकिस्तानलाई हराएको हो । जारी विश्वकपमा अफगानिस्तानको दोस्रो जित हो । यसअघि इंग्ल्यान्डलाई हराएको थियो ।

जितको लागि २ सय ८३ रनको विजयी लक्ष्य पछ्याएको अफगानिस्तानले ४९ ओभरमा २ विकेट गुमाउँदै पूरा गर्यो । अफगानिस्तानको जितमा ओपनर इब्राहिम जद्रानले १ सय १३ बलमा १० चौकासहित सर्वाधिक ८७ रनको योगदान दिए ।

रहमानउल्लाह गुरबाजले ५३ बलमा ९ चौका र १ छक्कासहित ६५ रन बनाए । ओपनर गुरबाज र जद्रानले पहिलो विकेटका लागि २१.१ ओभरमा १ सय ३० रनको शतकीय साझेदारीका साथ सहज जितको आधार तय गरेका थियो ।

यो अफगानिस्तानले ओडिआईमा पूरा गर्यो सर्वाधिक ठूलो लक्ष्य पनि हो । यसअघि अफगानिस्तानले ओडिआईमा सर्वाधिक ठूलो लक्ष्य २०१४ मा २ सय ७४ रनको लक्ष्य पूरा गरेको थियो । पाकिस्तानले विश्वकपमा २ सय ७५ माथिको योगफल पहिलो पटक बचाउन नसकेको हो । यसअघि १३ पटक २ सय ७५ माथिको योगफल बचाएको थियो ।

अफगानिस्तानका रहमात शाह ८४ बलमा ५ चौका र २ छक्कासहित ७७ रनमा नट आउट रहे । हश्मातुल्लाह शाहिदी ४५ बलमा ४ चौकासहित ४८ रनमा नट आउट रहे । पाकिस्तानका हसन अली र शाहिन शाह अफ्रिदीले समान एक एक विकेट लिए ।

त्यसअघि चेन्नईमा टस जितेर पहिला ब्याटिङ रोजेको पाकिस्तानले निर्धारित ५० ओभरमा ७ विकेट गुमाउँदै २ सय ८२ रन बनाएको थियो । पाकिस्तानका कप्तान बाबर आजमले ९२ बलमा ४ चौका र १ छक्कासहित सर्वाधिक ७४ रन बनाएपनि जितको लागि पर्याप्त हुन सकेन ।

ओपनर अब्दूल्लाह शफिक ७५ बलमा ५ चौका र २ छक्कासहित ५८, इमाम उल हक १७, मोहम्मद रिजवान ८, साउद सकिल २५, शादब खान र इफ्तिखर अहमदले ४०-४० रन बनाए ।

अफगानिस्तानका नुर अहमदले १० ओभरमा ४९ खर्चेर ३ विकेट लिए । नविन उल हकले ७ ओभरमा ५२ रन खर्चेर २ विकेट लिए । मोहम्मद नाबी र आजमतुल्लाह ओमरजाईले एक एक विकेट लिए ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.