default_image

8 months ago

October 28, 2023

न्युजिल्यान्डलाई हराउनै पर्ने दबाबमा अष्ट्रेलिया

1530 views

0 Bookmark

एजेन्सी – अष्ट्रेलियाले आइसिसी विश्वकप २०२३ मा आज न्युजिल्यान्डसँग खेल्दैछ । खेल नेपाली समय अनुसार बिहान १० : ४५ मा धर्मशालामा सुरु हुँदैछ । न्युजिल्यान्ड ५ खेलमा ४ मा जित र १ मा हारसहित ८ अंकका साथ तेस्रो स्थानमा छ । अष्ट्रेलिया ५ खेलमा ३ मा जित र २ मा हारसहित ६ अंकका साथ चौथो स्थानमा छ ।

शीर्ष चारमा रहँदै सेमिफाइनल खेल्न विश्वकपको सर्वाधिक सफल टोली अष्ट्रेलियालाई आजको खेल जित्नै पर्ने दबाब छ ।
पछिल्लो खेलमा अष्ट्रेलियाले नेदरल्यान्ड्सलाई ३ सय ९ रनले हराएको थियो ।

उक्त खेलमा ग्लेन म्याक्सवेलले ४० बलमै शतक हानेका थिए । म्याक्सवेलको उक्त लयले अष्ट्रेलियाको हौसला बढाएको छ । डेविड वार्नरले नेदरल्यान्ड्सविरुद्ध १ सय ४ र पाकिस्तानविरुद्ध १ सय ६३ रन बनाएका थिए । वार्नर शतकमा ह्याट्रिक लगाउन चाहन्छन् ।

पछिल्लो खेलको प्रदर्शनले अष्ट्रेलियाको मनोबल उच्च छ । स्टिभ स्मिथ र मार्नस लाबुसेनबाट आज अष्ट्रेलिया ठूलो इनिङ चाहन्छ । तुलनात्मक रुपमा कमजोर नेदरल्यान्ड्सविरुद्ध सानदार प्रदर्शन गरेको अष्ट्रेलिया आज परिक्षा हुनेछ ।

धर्मशालाको पिचमा स्पिनर एडम जाम्पाको प्रदर्शन निकै महत्वपूर्ण हुनेछ । मिचेल स्टार्क, प्याट कमिन्स र जोश हेजलवुडबाट सानदार बलिङ चाहन्छ ।

उता न्युजिल्यान्ड पछिल्लो खेलमा भारतसँग ४ विकेटले पराजित भएको थियो । डर्याल मिचेलले भारतविरुद्ध १ सय ३० रनको सानदार शतकीय इनिङ धर्मशालामा नै खेलेका थिए । पछिल्लो समय सानदार प्रदर्शन गर्दै आएका मिचेलको प्रदर्शन न्युजिल्यान्डको लागि निकै महत्वपूर्ण हुनेछ ।

डेभन कन्वे प्रमुख ब्याटर हुन् । उनीबाट महत्वपूर्ण खेलमा न्युजिल्यान्ड ठूलो स्कोर चाहन्छ । यस विश्वकपमा युवा अलराउन्डर रचिन रविन्द्रले सानदार प्रदर्शन गर्दै आएका छन् । उनको लयलाई रोक्न अष्ट्रेलिया बलरलाई कठिन पर्नसक्छ ।

मध्यक्रमका ब्याटर टम लाथम, मार्क च्यापम्यान र ग्लेन फिलिप्सले उत्कृष्ट प्रदर्शन गर्नुपर्ने हुन्छ । न्युजिल्यान्डको तीव्र गतिको बलिङ आक्रामण मुख्य हतियार हो । ट्रेन्ट बोल्ट, म्याट हेनरी र लोकी फर्गुसनको बलमा रन जोड्न सहज हुनेछैन ।

हेड टु हेड :

विश्वकपमा न्युजिल्यान्ड र अष्ट्रेलियाबीच कुल ११ खेल भएका छन् । जसमा अष्ट्रेलिया ८ र न्युजिल्यान्ड ३ खेलमा विजयी भएका छन् । पछिल्ला पाँच ओडिआई खेलमा अष्ट्रेलियाले न्युजिल्यान्डसँग हारेको छैन ।

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.