default_image

7 months ago

October 28, 2023

विश्वकपको एकै खेलमा ७ सय ७१ रन र ९७ बाउन्ड्री

9103 views

0 Bookmark

एजेन्सी – भारतमा जारी आइसिसी विश्वकप २०२३ मा अष्ट्रेलिया र न्युजिल्यान्डबीचको एकै खेलमा ७ सय ७१ रन बनेको छ । विश्वकप इतिहासमा एकै खेलमा बनेको यो सर्वाधिक धेरै रन हो । जितको लागि ३ सय ८९ रनको विशाल विजयी लक्ष्य पछ्याएको न्युजिल्यान्डले निर्धारित ५० ओभरमा ९ विकेट गुमाउँदै ३ सय ८३ रन बनाएपछि कुल ७ सय ७१ रन बनेको हो ।

यसअघि विश्वकपको एकै खेलमा सर्वाधिक धेरै रन ७ सय ५४ रन बनेको थियो । यसै विश्वकपमा दिल्लीमा दक्षिण अफ्रिका र श्रीलंकाबीचको खेलमा उक्त रन बनेको थियो । २०१९ मा अष्ट्रेलिया र बंगलादेशबीचको खेलमा ७ सय १४ रन बनेको थियो । अन्य कुनैपनि विश्वकप खेलमा कुल ७ सय रन बनेको छैन ।

हिमाचल प्रदेश स्थित धर्मशालामा टस हारेर पहिला ब्याटिङको निम्तो पाएको अष्ट्रेलिया ४९.२ ओभरमा ३ सय ८८ रनमा अल आउट भएको थियो । अष्ट्रेलियाका ट्रविस हेडले ६७ बलमा १० चौका र ७ छक्कासहित सर्वाधिक १ सय ९ रनको सानदार शतकीय इनिङ खेलेका थिए ।

चोटका कारण सुरुवाती खेल गुमाएका उनले पहिलो खेलमै शतक हानेका हुन् । अर्का ओपनर डेविड वार्नर ६५ बलमा ५ चौका र ६ छक्कासहित ८१ रनमा आउट भए । अष्ट्रेलियाले कुल २० छक्का हानेको थियो । अष्ट्रेलियाबाट वार्नरले ६, हेडले ७, कप्तान प्याट कमिन्सले ४, ग्लेन म्याक्सवेलले २ र जोश इंग्लिसले १ छक्का हानेका थिए ।

अष्ट्रेलियाले कुल ३२ चौका प्रहार गरेको थियो । वार्नरले ५, हेडले १०, जोश इंग्लिसले ४, म्याक्सवेलले ५, मिचेल मार्श, मार्नस लाबुसेन, स्टिभ स्मिथ र प्याट कमिन्सले समान २ चौका हानेका थिए ।

खेल हारेपनि न्युजिल्यान्डले पनि सानदार ब्याटिङ गर्यो । जितको लागि ३ सय ८९ रनको विशाल विजयी लक्ष्य पछ्याएको न्युजिल्यान्ड ५० ओभरमा ९ विकेट गुमाउँदै ३ सय ८३ रन बनायो ।

न्युजिल्यान्डका रचिन रविन्द्रले ८९ बलमा ९ चौका र ५ छक्कासहित १ सय १६ रनको शतकीय इनिङ खेलेका थिए । न्युजिल्यान्डले खेलमा १२ छक्का र ३३ चौका प्रहार गरेको थियो ।

न्युजिल्यान्डका रविन्द्रले सर्वाधिक पाँच छक्का हाने । त्यस्तै जेम्श निसमले ३, विल योंग, डर्याल मिचेल, मिचेल सान्टनार र ट्रेन्ट बोल्टले एक एक छक्का हानेका थिए ।

ओपनर डेभन कन्वेले ६, योंगले ४, रविन्द्रले ९, मिचेलले ६, टम लाथमले २, निसमले ३, ग्लेन फिलिप्स, सान्टनार र म्याट हेनरीले समान एक चौका प्रहार गरेका थिए ।

अष्ट्रेलियाले २० छक्का र न्युजिल्यान्डले १२ गरि खेलमा कुल ३२ छक्का प्रहार भएको थियो । त्यस्तै अष्ट्रेलियाले ३२ र न्युजिल्यान्डले ३३ गरि कुल ६५ चौका प्रहार भएको थियो । दुबै टोलीको चौका र छक्का गरि कुल बाउन्ड्री ९७ प्रहार भएको थियो ।

विश्वकपको एकै खेलमा सर्वाधिक बाउन्ड्री १ सय ५ छ । जारी विश्वकपमा दक्षिण अफ्रिका र श्रीलंकाबीचको खेलमा बाउन्ड्री १ सय ५ प्रहार भएका थिए ।

अरुण जेट्ली स्टेडियम दिल्लीमा टस हारेर पहिला ब्याटिङको निम्तो पाएको दक्षिण अफ्रिकाले ५० ओभरमा ५ विकेट गुमाउँदै ४ सय २८ रन बनाएको थियो । दक्षिण अफ्रिकाले खेलमा कुल ४५ चौका र १४ छक्का प्रहार गरेको थियो ।

जितको लागि उक्त विजयी लक्ष्य पछ्याएको श्रीलंका ४४–५ ओभरमा ३ सय २६ रन बनाएको थियो । श्रीलंकाले खेलमा २९ चौका र १७ छक्का हानेको थियो । खेलमा कुल ७४ चौका र ३१ छक्का प्रहार भएको थियो ।

यो पनि : विश्वकपको एकै खेलमा पहिलो पटक ७ सय ५४ रन र १ सय ५ बाउन्ड्री

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.