default_image

8 months ago

October 30, 2023

कुवेतलाई हराउँदै हङकङको विजयी सुरुवात

1659 views

0 Bookmark

एजेन्सी – हङकङले आइसिसी टि२० विश्वकप एसिया क्षेत्र फाइनल छनोटमा कुवेतलाई १६ रनले हराउँदै विजयी सुरुवात गरेको छ । जितको लागि १ सय ६७ रनको विजयी लक्ष्य पछ्याएको कुवेतले निर्धारित २० ओभरमा ८ विकेट गुमाउँदै १ सय ५० रन बनायो ।

कुवेतका कप्तान मोहम्मद अस्लामले ३९ बलमा ६ चौका र १ छक्कासहित सर्वाधिक ५२ रन बनाए । तर त्यो जितको लागि पर्याप्त हुन सकेन । चौथो विकेटका लागि उस्मानघानी इब्राहिम र अस्लामले ६८ रनको साझेदारी गर्दै जितको सम्भावना देखाएका थिए ।

तीव्र गतिका बलर अजिज खानको १३ औं ओभरको पहिलो बलमा इब्राहिम एहसान खानबाट आउट भएपछि जित कठिन बनेको थियो । एक समय कुवेतलाई जितको लागि ३६ बलमा ५८ रन चाहिँएको थियो । तर ठूलो सर्टको धुनमा लगातार डट खेलेपछि जित कठिन बनेको थियो ।

कुवेतको सुरुवात भने राम्रो हुन सकेको थिएन । ओपनर मित भावसार ३, राविजा सानदारुवान ४ र क्लिन्टो अन्टो १ रनमा आउट भएका थिए । बिलाल ताहिरले २६ बलमा १ चौका र ३ छक्कासहित ३६ रन बनाए ।

हङकङका मोहम्मद अजिज खानले ४ ओभरमा ३० रन खर्चेर ३ विकेट लिए । एहसान खान र आयुश शुक्लाले दुई दुई विकेट लिए ।

त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको हङकङले निर्धारित २० ओभरमा ६ विकेट गुमाउँदै १ सय ६६ रन बनाएको थियो ।

हङकङको जितमा ओपनर मार्टिन कोट्जीले ४८ बलमा १४ चौका र १ छक्कासहित सर्वाधिक ८१ रनको योगदान दिए । पहिलो विकेटका लागि कोट्जी र निजाकत खानले ११.१ ओभरमा १ सय १ रनको शतकीय साझेदारी गरेका थिए । निजाकत खान २४ बलमा २ चौकासहित २५ रनमा क्याच आउट भएपछि रनको गतीमा ब्रेक लागेको थियो ।

मार्टिन बाहेक अन्य कुनैपनि ब्याटरले राम्रो प्रदर्शन गर्न सकेनन् । बाबर बायत २७ बलमा १ चौका र २ छक्कासहित ३१ रनमा आउट भए । अंशुमन रथ ९ र यासिम मुर्तजा ५ रनमा आउट भए । कुवेतका सदै मुनिबले ४ ओभरमा ३९ रन खर्चेर २ विकेट लिए । मोहम्मद अस्लाम, शिराज खान र मोहम्मद मनाकाडावथले एक एक विकेट लिए ।

हङकङले मंगलबार बिहान बहराइनसँग मुलपानीमा खेल्नेछ । कुवेतले मंगलबार दिउँसो युएईसँग मुलपानीमा खेल्नेछ । यता टियुमा नेपालले पहिलो खेलमा सिंगापुरलाई ८ विकेटले हराएको थियो । दोस्रो खेलमा ओमानले मलेसियालाई ३२ रनले हरायो । टियुमा मंगलबार बिहान सिंगापुर र ओमानबीच टियुमा खेल हुनेछ । दिउँसो टियुमा नेपाल र मलेसियाबीच प्रतिस्पर्धा हुनेछ ।

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.