default_image

8 months ago

October 31, 2023

नेपालको जितले ओमानपनि सेमिफाइनलमा

3534 views

0 Bookmark

काठमाडौं (हाम्रो खेलकुद) – आइसिसी टि२० विश्वकप एसिया क्षेत्र फाइनल छनोटमा नेपालको जितसँगै ओमानपनि सेमिफाइनलमा पुगेको छ । समूह ए बाट एक खेल अगावै ओमान र नेपाल सेमिफाइनलमा स्थान बनाएका हुन् ।

नेपालले मंगलबार दिउँसो मलेसियालाई ६ विकेटले हरायो । यदि नेपाल आजको खेलमा पराजित भएको भए सेमिफाइनल बिहीबार निर्धारण हुने थियो । तर नेपालको जितले समूह ए बाट ओमान पनि सेमिफाइनलमा पुगेको हो ।

योसँगै समूह ए बाट मलेसिया र सिंगापुर एक खेल अगावै अंक विहीन हुँदै बाहिरिएका छन् । नेपाल २ खेलमा ४ अंक भएपनि नेटरनरेटका कारण दोस्रो स्थानमा छ । ओमान २ खेलमा ४ अंक भएपनि नेटरनरेटका कारण शीर्ष स्थानमा छ । ओमानको नेटरनरेट १.३५० र नेपालको १.३२२ छ ।

नेपालले सिंगापुरलाई ८ विकेटले हराएको थियो । उता ओमानले पहिलो खेलमा मलेसियालाई ३२ रन र दोस्रो खेलमा सिंगापुरलाई २२ रनले हराएको थियो । बिहीबार नेपाल र ओमानबीच बिहान ९ बजे टियु क्रिकेट मैदानमा खेल हुनेछ । उक्त खेलको विजेता समूह ए को पनि विजेता बन्नेछ ।

समूह ए को विजेताले टियुमा समूह बी को उपविजेतासँग शुक्रबार सेमिफाइनल खेल्नेछ । समूह ए को उपविजेताले शुक्रबार नै मुलपानीमा समूह बी को विजेतासँग सेमिफाइनल खेल्नेछ ।

समूह बी मा भने चारै टोलीको सेमिफाइनल सम्भावना कायमै छ । युएई २ खेलमा ४ अंकका साथ शीर्षस्थानमा छ । बहराइन २ खेलमा २ मा जितका साथ दोस्रो स्थानमा छ । हङकङ २ खेलमा २ अंक भएपनि नेटरनरेटका कारण तेस्रो स्थानमा छ ।

आज पहिलो खेलमा बहराइनले हङकङलाई २० रनले हराएपछि समूह बी को सेमिफाइनल समिकरण रोचक बनेको हो । कुवेत २ खेलमा अंक विहीन हुँदै पुछारमा छ ।

बिहीबार बिहान युएई र हङकङ तथा कुवेत र बहराइनबीच प्रतिस्पर्धा हुनेछ । यी दुई खेलको नतिजापछि समूह बी को सेमिफाइनल र समूह विजेता निर्धारण गर्नेछ । फाइनलमा पुग्ने दुई टोलीले २०२४ मा अमेरिका र वेस्टइन्डिजमा हुने टि२० विश्वकप खेल्न पाउनेछन् ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.