default_image

2 years ago

November 1, 2023

विश्वकपमा आज ‘हाइभोल्टेज’ खेल

6797 views

0 Bookmark

एजेन्सी – आइसिसी विश्वकप २०२३ मा आज उपाधिका दुई दाबेदार दक्षिण अफ्रिका र न्युजिल्यान्डबीच प्रतिस्पर्धा हुँदैछ । खेल दिउँसो २ : १५ मा पुणेमा सुरु हुनेछ । दक्षिण अफ्रिका न्युजिल्यान्डलाई हराउँदै सेमिफाइनल यात्रा पक्कै जस्तै गराउन चाहन्छ ।

न्युजिल्यान्ड पनि दक्षिण अफ्रिकालाई हराउँदै विश्वकपमा सेमिफाइनल सम्भावना एक कदम टाढा बनाउने सोचमा हुनेछ । यस विश्वकपमा दुबै टोलीले सानदार ब्याटिङ प्रदर्शन गरेका छन् । दुबै टोलीमा उत्कृष्ट ब्याटर र तीव्र गतिका बलर छन् ।

त्यसैले यस खेलमा कडा प्रतिस्पर्धा हुने अनुमान गरिएको छ । न्युजिल्यान्ड पछिल्लो खेलमा अष्ट्रेलियासँग ५ रनले पराजित भएको थियो । जितको लागि ३ सय ८९ रनको विशाल विजयी लक्ष्य पछ्याउनेक्रममा ३ सय ८३ रन बनाउन सकेको थियो । उक्त प्रदर्शनले न्युजिल्यान्डको मनोबल उच्च छ ।

युवा ब्याटर रचिन रविन्द्रले उक्त १ सय १६ रनको सानदार शतकीय इनिङ खेलेका थिए । पहिलो खेलमै रचिनले इंग्ल्यान्डविरुद्ध १ सय २३ रन बनाएका थिए । यस विश्वकपमा रचिनले ४ सय ६ रन बनाई सकेका छन् । रचिनले आज पनि खेलमा राज गर्नसक्छन् ।

उता दक्षिण अफ्रिकाका ओपनर क्विन्टन डि ककले तीन शतकसहित ४ सय ३१ रन बनाई सकेका छन् । डिककले विश्वकपपछि सन्न्यास लिए प्रतियोगिता अघिनै घोषणा गरेका थिए । त्यसैले उनी यस विश्वकपलाई विशेष बनाउन चाहन्छन् ।

न्युजिल्यान्डका डर्याल मिचेलले पनि उत्कृष्ट प्रदर्शन गर्दै आएका छन् । उनले ६ खेलमा ३ सय २२ रन बनाएका छन् । अष्ट्रेलियाविरुद्ध जेम्श निशमले ५८ रन बनाउँदै थप हौसला प्रदान गरेका थिए । ओपनर डेभन कन्वे चलेको खण्डमा न्युजिल्यान्डलाई हराउन मुश्किल पर्नसक्छ ।

कन्वेले इंग्ल्यान्डलाई हराउन १ सय ५२ रनको अविजित शतकीय इनिङ खेलेका थिए । न्युजिल्यान्ड टम लाथम, मार्क च्यापम्यान र ग्लेन फिलिप्सबाट मध्यक्रममा सानदार प्रदर्शन चाहन्छ ।

उता दक्षिण अफ्रिकाको मध्यक्रम झन् मजबुतछ । युवा ब्याटर एडेन माक्ररम, हेनरिक क्लासेन र रास्सी भानर डर डुसेन जस्ता भरपर्दा ब्याटर छन् । यी तीनै ब्याटरले जारी विश्वकपमा उत्कृष्ट ब्याटिङ प्रदर्शन गरेका छन् । माक्ररम घातक बन्नसक्छन् । उनले मध्यक्रममा लगातार जिम्मेवारी इनिङ खेल्दै आएका छन् । श्रीलंकाविरुद्ध ४९ बलमै शतक हानेका थिए ।

दक्षिण अफ्रिको तल्लोकम ब्याटिङ पनि मजबुत छ । डेविड मिलर जस्ता चर्चित फिनिसर टोलीमा छन् । मिलरले एकै ओभरमा खेललाई मोड्न सक्छन् । मार्को यानसनले पनि राम्रो प्रदर्शन गर्दै आएका छन् ।

न्युजिल्यान्डमा ट्रेन्ट बोल्ट, लोकी फर्गुसन र म्याट हेनरी जस्ता तीव्र गतिका बलर छन् । उता दक्षिण अफ्रिकामा कागिसो रबाडा, लुन्गी एनगिडी, मार्को यानसन र जेराल्ड कोट्जी जस्ता तीव्र गतिका बलर छन् । दुबै टोलीमा विश्वस्तरिय तीव्र गतिका बलर छन् । दुबै टोलीमा उच्च लयमा रहेका सुपरस्टार ब्याटर र बलर हुँदा यसलाई हालभोल्टेज खेल पनि मानिएको छ ।

न्युजिल्यान्डको स्पिनरमा मिचेल सान्टनार र पार्टटाइममा रचिनबाट स्पिन गराउनेछ । उता दक्षिण अफ्रिका तबरेज शाम्सी र केशव महाराज छन् । न्युजिल्यान्डको भन्दा दक्षिण अफ्रिकाको स्पिन आक्रामण मजबुत देखिन्छ ।

न्युजिल्यान्ड ६ खेलमा ४ मा जित र २ मा हारसहित ८ अंकका साथ तेस्रो स्थानमा छ । दक्षिण अफ्रिका ६ खेलमा ५ मा जित र १ मा हारसहित दोस्रो स्थानमा छ । दक्षिण अफ्रिका आज विजयी भएमा शीर्षस्थानमा उक्लिनेछ । भारत ६ खेलमा १२ अंकका साथ शीर्षस्थानमा छ ।

अष्ट्रेलिया ६ खेलमा ८ अंकका साथ चौथो स्थानमा छ । दक्षिण अफ्रिकाले आजको खेलपछि आइतबार भारत र १० नोभेम्बरमा अफगानिस्तानसँग खेल्नेछ । उता न्युजिल्यान्डले आजको खेलपछि शुक्रबार पाकिस्तान र ९ नोभेम्बरमा श्रीलंकासँग खेल्नेछ । दक्षिण अफ्रिकालाई सेमिफाइनलमा पुग्न एक र न्युजिल्यान्डलाई दुई जित आवश्यक पर्ने देखिन्छ ।

हेड टु हेड :

विश्वकपमा दक्षिण अफ्रिका र न्युजिल्यान्डबीच ८ खेल भएको छन् । न्युजिल्यान्ड ६ र दक्षिण अफ्रिका २ खेलमा विजयी भएका छन् । न्युजिल्यान्डले १९९९ को विश्व कपपछि दक्षिण अफ्रिकासँग हारेको छैन ।

May 17, 2025

आइपिएल पुन: सुरु हुँदै – आरसिबी र कोलकाता खेल्दै

एजेन्सी – इन्डियन प्रिमियर लिग (आइपिएल) १० दिनपछि आज पुनः सुरु हुँदैछ। भारत र पाकिस्तानबीच चुलिएको तनावका कारण आइपिएल स्थगित भएको थियो। अहिले तनाव कम भइसकेको छ । दुवै देशले युद्धविरामको घोषणा गरेका छन् । आइपिएलको चर्चा विस्तारै पुनः सुरु भएको छ । विदेशी खेलाडीहरु आ-आफ्नो देश फर्किए पनि, यात्रा तालिका अचानक फेरिनु, उडान रद्द […]

May 16, 2025

अभ्यास खेलमा नेपाल विजयी

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत स्कटल्याण्ड सिरिजको तयारीमा बेलायत पुगेको नेपाली टोलीले पहिलो अभ्यास खेलमा जित हासिल गरेको छ । न्यू पोर्ट क्रिकेट क्लबविरुद्ध नेपालले ३ विकेटको जित दर्ता गरेको हो । नेपालले २ सय १३ रनको लक्ष्य ७ विकेटको क्षतिमा ३८ औं ओभरमा प्राप्त गर्यो । शीर्षक्रमको ब्याटिङले कमजोर प्रदर्शन […]

May 16, 2025

नेपाल सुपर थ्रीमा प्रवेश

काठमाडौं (हाम्रो खेलकुद) – आइसीसी टि२० विश्वकप एसिया क्षेत्र छनोट अन्तर्गत हङकङ र बहराइनबीच अन्तिम लिग खेल वर्षका कारण हुन नस्कदा नेपाल सुपर थ्री मा प्रवेश गरेको छ । विहीबारको खेलमा बहराइनलाई ६ विकेटले हराएसँगै नेपालको सुपर थ्री मा पुग्ने सम्भावना जीवित भएको थियो ।नेपालले ४ खेलमा २ जित, १ हार र १ रद्द खेलले ५ […]

Success

Thank you for your time.