default_image

9 months ago

November 2, 2023

छक्का हानेको बल लगेर मोटरसाइकलमा भागेका दर्शकले गरे फिर्ता

3358 views

0 Bookmark

काठमाडौं( हाम्रो खेलकुद) – नेपालमा जारी आइसिसी टि२० विश्वकप एसिया क्षेत्र फाइनल छनोटमा युएई र कुवेतबीचको खेलमा छक्का गएको बल लगेर भागेका दर्शकले बिहीबार नेपाल क्रिकेट संघ (क्यान) लाई फिर्ता गरेका छन् ।

बिहीबार ती दर्शकले मुलपानी मैदानमा पुगेर भेन्यु म्यानेजर राजु बस्न्यातलाई उक्त बल फिर्ता गरेर फर्किएका हुन् । राजु बस्न्यातले उक्त बल ती दर्शकले फिर्ता गरेको हाम्रो खेलकुदलाई जानकारी दिएका छन् ।

दुई दिन अघि माथिल्लो मुलपानी क्रिकेट मैदानमा कुवेतले युएईलाई जितको लागि मात्रै ८९ रनको लक्ष्य दिएको थियो । बासिल हामिदले १५ औं ओभरको दोस्रो बलमा मित भावसारलाई प्रहार गरेको बल ती दर्शकले लगेर भागेका थिए ।

मुलपानी एण्डबाट आएको दोस्रो बल बासिलले छक्का हान्दै युएईलाई पाँच विकेटको जित दिलाएका थिए । अफ स्टम्पतर्फ फ्याँकेको बललाई बासिलले डिप मिडविकेटतर्फ छक्का प्रहार गरेका थिए । मुलपानी मैदानको दर्शक बस्ने ठाउँतर्फ गरिएको उक्त विशाल प्रहारसँगै खेल पनि सकिएको थियो ।

धेरैको ध्यान युएईको उक्त जितमा थियो । तर दर्शकको ध्यान युएईसँगै त्यहाँ भएको एक रोचक घटनामा मोडियो । त्यहाँ भएका एक दर्शकले त्यो बल समाए र आफ्नो गोजीमा हालेका थिए । अनि त्यसपछि उनले फिल्मी शैलीमा आफ्नो मोटरसाइकल स्टार्ट गरेर तीव्र गतिमा हाँक्दै भागेका थिए । खेलका अम्पायर बुद्धि बहादुर प्रधानले लगातार बल मागेपनि दर्शक बल लिएर भागिसकेका थिए ।

बाहिर रहेका सुरक्षाकर्मीले बल लगेर भागेको चाल पाउन सकेका थिएनन् । उनी बल लगेर भागेको हुँदा समाउन र रोक्न अन्य दर्शकले भनेका थिए । मुलपानीको दर्शक बस्ने कच्ची मोटरबाटोमा उनले आफ्नो ज्यानको कुनै पर्वाह नै नगरी मोटरसाइकल कुदाए । उनलाई अन्यले रोक्न भनेको सुनेका पनि थिए । तर उनी रोकिएका थिएनन् ।

विजयी छक्का हानेको बल लिएर दर्शक मोटरसाइकलमा भागेपछि.. शीर्षकमा हाम्रो खेलकुदले समाचार प्रकाशित गरेपछि ती दर्शकले उक्त बल फिर्ता गर्ने जनाएका थिए । बिहीबार बल बुझाएर उनी फर्किएका थिए । उक्त बलको मूल्य २५ हजार रुपैयाँ पर्ने गर्दछ ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.