काठमाडौं (हाम्रो खेलकुद) – नेपाल क्रिकेट संघ (क्यान) ले शुक्रबार राती जाजरकोर्ट केन्द्रबिन्दु बनाएर गएको भुकम्प पिडितको लागि आर्थिक सहयोग गर्ने भएको छ ।

आइसिसी टि२० विश्वकप एसिया क्षेत्र फाइनल छनोटको फाइनलमा नेपाल र ओमानबीच खेलबाट बिक्री हुने ५० प्रतिशत टिकटको मूल्य भुकम्प पिडितलाई सहयोग गर्ने क्यानले घोषणा गरेको छ ।

क्यानले जाजरकोट केन्द्रबिन्दु बनाएर गएको भुकम्पमा परी ज्यान गुमाउने सम्पूर्ण नपालीहरु प्रति श्रद्धान्जली अर्पण गर्दै शोकाकुल परिवारमा समवेदना प्रकत पनि गरेको छ ।

घाईते सम्पूर्णको शीघ्र स्वास्थ्य लाभको कामना गर्दै नेपाल र ओमानबीच हुने फाइनल खेलबाट बिक्री हुने टिकटको ५० प्रतिशत रकम भुकम्प पिडितलाई सहयोग गर्ने घोषणा गरेको छ । शुक्रबार राती ११ : ४७ मा जाजरकोट केन्द्र बिन्दु बनाए ६.४ म्याग्निच्युडको भुकम्प गएको थियो । जाजरकोट र रुकुममा गरि हालसम्म १ सय जना भन्दा धेरैको मृत्यु भई सकेकोछ ।

नेपालले शुक्रबार सेमिफाइनल खेलमा युएईलाई ८ विकेटले हराउँदै विश्वकपमा स्थान बनाएको थियो । त्यो खुसी साट्न नपाउँदै पूरा देश नै शोकमा डुबेकोछ । उता ओमानले बहराइनलाई १० विकेटले हराउँदै फाइनलमा स्थान बनाएको थियो ।
समूह चरणमा ओमानले नेपाललाई पाँच रनले हराएको थियो । नेपाल र ओमानबीचको फाइनल खेल आइतबाार दिउँसो ११ बजे सुरु हुनेछ ।