default_image

7 months ago

November 4, 2023

अष्ट्रेलियासँग हारसँगै साविक विजेता इंग्ल्यान्ड लिगबाटै बाहिरियो

2196 views

0 Bookmark

एजेन्सी – विश्वकपको सर्वाधिक सफल टोली अष्ट्रेलियाले आइसिसी विश्वकप २०२३ मा इंग्ल्यान्डलाई ३३ रनले हराउँदै सेमिफाइनल नजिक पुगेको छ । सुरुवाती दुई खेल हारेको अष्ट्रेलियाले त्यसपछि लगातार पाँच खेल जिका साथ सेमिफाइनल नजिक पुगेको हो । साविक विजेता इंग्ल्यान्ड भने लिगबाटै बाहिरिएको छ ।

जितको लागि २ सय ८७ रनको विजयी लक्ष्य पछ्याएको इंग्ल्यान्ड ४८.१ ओभरमा २ सय ५३ रनमा अल आउट भयो । इंग्ल्यान्डका बेन स्टोक्सले ९० बलमा २ चौका र ३ छक्कासहित सर्वाधिक ६४ रन बनाए ।

डेविड मलानले ६४ बलमा ४ चौका र १ छक्कासहित ५० रनमा आउट भए । मोईन अलीले तल्लोक्रममा ४३ बलमा ६ चौकासहित ४२ रन जोडेका थिए । क्रिस वोक्स ३२, डेविड विल्ली १५ र आदिल राशिद २० रना आउट भए ।

अष्ट्रेलियाको जितमा स्पिनर एडम जाम्पाले १० ओभरमा २१ रन खर्चेर ३ विकेट लिए । मिचेल स्टार्कले १० ओभरमा ६६ रन खर्चेर २ विकेट लिए । प्याट कमिन्स र जोश हेजलवुडले दुई दुई विकेट लिए ।

त्यसअघि अहमदाबादमा टस हारेर पहिला ब्याटिङको निम्तो पाएको अष्ट्रेलिया ४९.३ ओभरमा २ सय ८६ रनमा अल आउट भएको थियो । अष्ट्रेलियाको जितमा मार्नस लाबुसेनले ८३ बलमा ७ चौकासहित सर्वाधिक ७१ रनको योगदान दिए ।

स्टिभ स्मिथ ५२ बलमा ३ चौकासहित ४४, ट्रविस हेड ११, डेविड वार्नर १५ र जोश इंग्लिस ३ रनमा आउट भए । क्यामरन ग्रीन ५२ बलमा ५ चौकासहित ४७ रनमा आउट भए । मार्कस स्टोइनिसले ३२ बलमा ३ चौका र २ छक्कासहित ३५ रन बनाए । एडम जाम्पाले १९ बलमा ४ चौकासहित २९ रन जोडे ।

इंग्ल्यान्डका क्रिस वोक्सले ९.३ ओभरमा ५४ रन खर्चेर ४ विकेट लिए । मार्क वुडले १० आोभरमा ७० रन खर्चेर २ विकेट लिए । आदिल राशिदले १० ओभरमा ३८ रन खर्चेर २ विकेट लिए । डेविड विल्ली र लियाम लिभिङस्टनले समान एक विकेट लिए ।

इंग्ल्यान्ड ७ खेलमा १ मा जित र ६ मा हारसहित २ अंकका साथ पुछारमा छ । इंग्ल्यान्डले अव नेदरल्यान्ड्स र पाकिस्तानसँग खेल्न बाँकी छ । तर दुई खेल अगावै बाहिरिएको छ ।

भारत ७ खेलमा १४ अंकका साथ शीर्षस्थानमा छ । दक्षिण अफ्रिका ७ खेलमा १२ अंकका साथ दोस्रो स्थानमा छ । भारत र दक्षिण अफ्रिका सेमिफाइनलमा पुगेका छन् ।

अष्टेलिया ७ खेलमा ५ मा जित र २ मा हारसहित १० अंकका साथ तेस्रो स्थानमा छ । अष्टेलियाले अव अफगानिस्तान र बंगलादेशसँग खेल्नेछ । बाँकी दुई मध्य एक खेलमा जित निकाले सेमिफाइनल खेल्नेछ ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.