काठमाडौं (काठमाडौं (हाम्रो खेलकुद) – नेपाली क्रिकेट टोलीका प्रमुख अलराउन्डर दीपेन्द्रसिंह ऐरीले आइसिसी टि२० विश्वकप एसिया क्षेत्र छनोटको फाइनल ओमानविरुद्ध नखेल्ने भएका छन् । दीपेन्द्र गत सोमबार घाइते भएका थिए ।

खुट्टामा एंकलको चोटका कारण उनले समूह चरणका कुनैपनि खेल खेलेका थिएनन् । तर शुक्रबार विश्वकपमा पुग्न निर्णायक युएई खेल खेलेपनि उनले ब्याटिङ र बलिङ दुबै गर्नु परेको थिएन । तर दीपेन्द्रले फाइनल नखेल्ने पक्का भएको छ । त्यसैको कारण दीपेन्द्र वार्मअपमा आएका छैनन् । दीपेन्द्र पेभेलिएनमै बसेका छन् ।

दीपेन्द्रको चोट ठिक हुन एक महिना भन्दा बढी समय लाग्नेछ । बिहीबार ओमानसँग हारेपछि दीपेन्द्रले आफ्नो करिअरनै दाउमा राखेर युएईविरुद्ध खेल्ने निर्णय लिएका थिए । तर अव दीपेन्द्रले त्यो जोखिम लिने छैनन् ।

दीपेन्द्र नखेल्दा नेपालले विनोद भण्डारी र सन्दीप जोरा मध्य एकलाई खेलाउनेछ । टोलीको वार्मअप हेर्दा सन्दीप जोराले खेल्ने सम्भावना देखिन्छ ।

नेपाल र ओमानबीचको खेल बिहान ११ बजे सुरु हुनेछ । खेलको टस बिहान १० : १५ मा हुनेछ । नेपालले सेमिफाइनल युएईलाई ८ विकेट तथा ओमानले बहराइनलाई १० विकेटले हराउँदै फाइनलमा स्थान बनाउनुको साथै विश्वकपमा पुगेका थिए । नेपालको रोहित पौडेल र ओमानको जिशान मकसुदले कप्तानी गर्नेछन् ।