default_image

6 months ago

November 16, 2023

हङकङसँग पराजित हुँदा नेपालको फाइनल सम्भावना समाप्त

1856 views

0 Bookmark

काठमाडौँ (हाम्रो खेलकुद) – नेपाल चार देशसम्मीलित महिला टि२० आई सिरिजमा हङकङसँग ९ विकेटले पराजित भएको छ । लज्जास्पद ब्याटिङका साथ लगातार दोस्रो हारसँगै नेपाल एक खेल अगावै फाइनल खेल्ने सम्भावना समाप्त भएको छ ।

जितको लागि ५७ रनको सामान्य विजयी लक्ष्य पछ्याएको हङकङले ९ ओभरमा १ विकेट गुमाउँदै पूरा गर्यो । हङकङको जितमा नताशा मिल्स २२ बलमा ४ चौकासहित ३० रनमा नट आउट रहिन ।

शान्जिन शाहजाद २७ बलमा ३ चौकासहित २० रनमा नट आउट रहिन् । मारिको हिल ५ रनमा रन आउट भैइन्

त्यसअघि टस जितेर पहिला ब्याटिङ रोजेको नेपाल १८ ओभरमा ५६ रनमा अल आउट भएको थियो । नेपालकी रुबिना बेलबासेले ३० बलमा ४ चौकासहित सर्वाधिक २५ रन बनाईन् ।

सीता रानामगरले १३ बलमा २ चौकासहित ९ रन वनाईन् । नेपालका १० खेलाडीले दोहोरो अंकमा रन बनाउन सकेनन् ।

ओपनर पुजा महतो ४, सम्झन खड्का, बिन्दु रावल र कन्चन श्रेष्ठ १-१ रनमा आउट भए । रोमा थापा १९ बलमा ७ रनमा नट आउट रहिन । कप्तान इन्दु बर्मा, काजोल श्रेष्ठ र अस्मिना कर्माचार्यले खाता खोल्न सकेनन् ।

हङकङकी इकार सहारले ४ ओभरमा १ मेडनसहित ३ विकेट लिईन् । रुचिथा वेंकटेशले २, मारिको हिल र केरि चान बेट्टी चानले १-१ विकेट लिए ।

नेपाल पहिलो खेलमा तान्जानियासँग २७ रनले पराजित भएको थियो । नेपालले अन्तिम खेल शनिबार जापानसँग खेल्नेछ ।

सुरुवाती दुबै खेल जितेका हङकङ र तान्जानियाले आइतबार फाइनल खेल्ने छन् । आइतबार नेपालले तेस्रो स्थानको लागि जापानसँग खेल्नेछ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.