default_image

6 months ago

November 19, 2023

विश्वकप : उपाधिको लागि भारत र अष्ट्रेलिया भिड्दै

1306 views

0 Bookmark

एजेन्सी – आइसिसी विश्वकप २०२३ को फाइनलमा आज घरेलु टोली भारत र अष्ट्रेलियाबीच प्रतिस्पर्धा हुँदैछ । खेल नेपाली समय अनुसार दिउँसो २: १५ मा नरेन्द्र मोदि स्टेडियम अहमदाबादमा सुरु हुनेछ ।

अपराजित रहदै फाइनल खेलेको भारत तेस्रो उपाधी जित्न चाहन्छ । विश्वकपको सर्वाधिक सफल अष्ट्रेलिया छैटौं उपाधी जित्ने सोचमा हुनेछ ।

भारतले सन् १९८३ र २०११ मा उपाधी जितेको थियो । २००३ को फाइनलमा अष्ट्रेलियासँग भारतले हारेको थियो । अष्ट्रेलिया आठौं पटक फाइनल खेल्दैछ ।

अष्ट्रेलियाले १९८७,१९९९,२००३,२००७ र २०११ मा उपाधी जितेको थियो । भारत एक दशक देखि उपाधिको खडेरी तोड्न चाहन्छ । भारतले पछिल्लोपटक २०१३ मा च्याम्पिन्स ट्रफीको उपाधी जितेको थियो । त्यसपछिका कुनैपनी आइसिसीको उपाधि जितेको छैन ।

घरेलु मैदानमा यो राम्रो अवसर हो । विराट कोहली र मोहम्मद शामीको प्रदर्शन निकै महत्त्वपूर्ण हुनेछ । कोहली यस विश्वकपमा सर्वाधिक रन बनाउने खेलाडी हुन् ।

उनले १० खेलमा ३ शतकसहित ७ सय ११ रन बनाएका छन् । अष्ट्रेलियाको उत्कृष्ट बलिङ आक्रमण सामु कोहलीको रन अति आवश्यक देखिन्छ । कप्तान रोहित शर्माले उत्कृष्ट सुरुवात दिलाउदै आएका छन् ।

उनको सुरुवातले टोलीका अन्य ब्याटर बिना दबाब खेल्दै आएका छन् । श्रेयस ऎले पछिल्ला दुई खेलमा लगातार शतक हानेका छन ।

स्पिनर सामु लगातात हाबी हुँदै आएका छन । शुभमन गिल र लोकेश राहुलले पनि राम्रो खेल्दै आएका छन् । फिनिसरमा सुर्यकुमार यादव र रविन्द्र जडेजा हुनेछन् ।

अष्ट्रेलिया ब्याटरलाई तिव्र गतिका बलर खेल्न त्यति कठिन हुने छैन । अहमदाबादको पिचमा स्पिनर हाबी हुनसक्छन् । जडेजा र कुलदिप यादवको बलिङ भारतको लागि निकै महत्त्वपूर्ण हुनेछ ।

मोहम्मद शामीले जारी विश्वकपमा उत्कृष्ट बलिङ गरेकाछन । सेमिफाइनलमा न्युजिल्यान्डलाई हराउन शामीले एक्लै ७ विकेट लिएका थिए । जारी विश्वकपमा शामीले मात्रै ६ खेलमा २३ विकेट लिदै शिर्ष स्थानमा छन् । बुमराह पनि घातक बन्न सक्ने बलर हुन् ।

उता अष्ट्रेलियालाई फाइनलमा हराउन जुनसुकै टोलीलाई कठिन पर्छ । ओपनर डेविड वार्नर र ट्रविस हेड ओपनर हुन् । जारी विश्वकपमा वार्नरले ५ सय भन्दा बढि रन बनाएका छन् । वार्नरले दबाब र फाइनल खेलमा सधैं राम्रो गर्ने गर्दछन । हेडको भुमिका आक्रमण सुरुवात हुनेछ ।

यी दुई ओपनरको सुरुवातले अन्यलाई खेल्न सहज हुन सक्छ । तेस्रो नम्बरमा मिचेल मार्श हुनेछन् । मार्श लिगमा बंगलादेशविरुद्ध १ सय ७७ रन बनाएका थिए । उनी चलेको खण्डमा सहज उपाधी दिलाउने खुबी राख्छ्न् । चौथो नम्बरमा स्टिभ स्मिथ हुनेछन् ।

स्मिथबाट जारी विश्वकपमा अपेक्षा अनुसार रन आएको छैन ।

ग्लेन म्याक्सवेल प्रमुख हतिहार हुन् । अष्ट्रेलिया टोलीमा स्पिन सबैभन्दा राम्रो खेल्ने खेलाडी हुन्

अफगानिस्तानलाई हराउन एक सय ९१-७ बाट २ सय १ रनको अविजित इनिङ खेलेका थिए । अष्ट्रेलिया आज त्यस्तै अदभूत प्रदर्शन चाहन्छ । म्याक्सवेल राम्रो लयमा पनि छन् । नेदरल्यान्डविरुद्ध विश्वकप इतिहासकै सर्वाधिक छिटो ४० बलमा शतक हानेका थिए ।

ब्याटिङ मात्रै होईन स्पिन बलिङ पनि महत्त्वपूर्ण हुनेछ । म्याक्सवेलले एडम जाम्पालाई साथ दिनेछन् । जाम्पा १० खेलमा २२ विकेट लिदै दोस्रो स्थानमा छन् । जाम्पा र म्याक्सवेलले मध्यक्रममा विकेट लिनुपर्छ ।

अष्ट्रेलियाले मार्नस लाबुसेनको स्थानमा मार्कस स्टोइनिसलाई मौका दिनसक्छ ।


मिचेल स्टार्क र जोश हेजवलवुडको ओपनीङ बलिङ आक्रमण महत्त्वपूर्ण हुनेछ । नया बलका साथ लिगमा भारतलाई १०-३ को दयनीय अवस्थामा पुर्याएका थिए। त्यही अवस्थामा कोहलीले जिवनदान पाएका थिए ।

स्टार्क २०१५ र २०१९ को विश्वकपमा सर्वाधिक विकेट लिने बलर हुन् । बिग म्याच बलरको रुपमा चिनिन्छन् । इनस्विङ बल भारतीय ब्याटरको कमजोरी हो । स्टार्क त्यो कमजोरीमा हाबी हुन सक्नेछन् । हेजलवुडको स्विङ खेल्न सहज हुनेछैन ।

हेड टु हेड :

विश्वकपमा यी दुई देशबीच १३ खेल भएका छन् । भारत ५ खेलमा विजयी हुँदा ८ खेलमा पराजित भएकोछ । जारी विश्वकपमा भारत ६ विकेटले विजयी भएको थियो ।

परिवर्तनको सम्भावना :

भारतको टोलीमा कुनै परिवर्तनको सम्भावना छैन । अष्ट्रेलियाले मार्नस लाबुसेनको स्थानमा मार्कस स्टोइनिसलाई खेलाउन सक्ने सम्भावना छ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.