एजेन्सी – भारतको विश्वकप जित्ने सपनामा अष्ट्रेलिया फेरि बाधक बनेकोछ । अष्ट्रेलियाले घरेलु टोली भारतलाई ६ विकेटले हराउदै आइसिसी विश्वकप २०२३ को उपाधि जितेकोछ ।

पछिल्लो दुई दशकमा अष्ट्रेलियाले तेस्रो पटक भारतलाई नकआउटमा स्तब्ध पारेको हो । २००३ को फाइनलमा अष्ट्रेलियाले भारतलाई १ सय २५ रनले हराएको थियो । २०१५ को सेमिफाइनल खेलमा भारतलाई ९५ रनले हराएको थियो ।

अष्ट्रेलियाले यसअघि १९९८७, १९९९, २००३,२००७ र २०१५ मा विश्वकपको उपाधी जितेको थियो । अष्ट्रेलियाले २०२१ मा टि२० विश्वकप उपाधी जितेको थियो।

भारतले १९८३ र २०११ मा विश्वकप उपाधी जितेको थियो । भारतले २०१३ मा च्याम्पियन ट्रफी जितेपछि कुनैपनी आइसिसी उपाधी जितेको छैन ।

यसै वर्ष टेस्ट च्याम्पियनसिपको फाइनलमा अष्ट्रेलियाले भारतलाई हराउँदै उपाधी जितेको थियो । अष्ट्रेलियालाई उपाधी जिताउन ट्रविस हेडले १ सय ३७ रनको सानदार शतकीय इनिङ खेले ।

टेस्ट च्याम्पियनसीप फाइनलमा पनि भारतलाई हराउन हेडले १ सय ६३ रनको शतकीय इनिङ खेलेका थिए । जारी विश्वकपमा भारतले लिगमा सबै खेल जितेको थियो ।

लिगमा अष्ट्रेलियाले ६ विकेटले हारेको थियो । औंलामा चोटका कारण हेड भने लिगमा भारतविरुद्द खेलेका थिएनन् ।