1 year ago
December 2, 2023
एजेन्सी – इन्डियन प्रिमियर लिग (आइपिएल) २०२४ को अक्सनमा ११ सय ६६ खेलाडीले नाम दर्ता गराएका छन् । दुबईमा आगामी डिसेम्बर १९ मा हुने अक्सनमा ८ सय ३० भारतीय, ३ सय ३६ विदेशी खेलाडी र ४५ एसोसिएट खेलाडी रहेका छन् ।
एसोसिएटमा नेपाल, नामिबिया, नेदरल्यान्ड्स, स्कटल्यान्ड, युएई र अमेरिकाबाट छन् । ४५ एसोसिएट खेलाडीमा कति नेपाली र को को भन्ने खुलाईएको छैन ।
इन्डियन प्रिमियर लिग (आइपिएल) ले खेलाडी दर्ता बारे सार्वजनिक गरेको छैन । आइपिएलले सार्वजनिक गरेपछि कति नेपाली खेलाडी प्रष्ट हुनेछ । अक्सनमा जानको लागि भने सर्ट लिष्टमा पर्नुपर्ने हुन्छ । आइपिएलले अक्सनमा मूल्य लाग्न सक्ने खेलाडीलाई मात्रै सर्ट लिष्टमा राख्ने गर्दछ ।
नेपालबाट सर्ट लिष्टमा पर्न सके मात्रै अक्सनमा जानेछन् । यसअघि सन्दीप बाहेक अन्य नेपाली खेलाडी सर्ट लिष्टमा पर्न सकेका छैनन् । यसपटक नेपालबाट सन्दीपसँगै कुशल मल्ल, दीपेन्द्रसिंह ऐरी, गुलशन झा, कुशल भुर्तेल, सोमपाल कामी र करण केसी लगायतका खेलाडी अक्सनमा नाम दर्ता गराएको हुनसक्ने अनुमान गरिएको छ ।
यस पटकको अक्सनमा ३० विदेशीसहित कुल ७७ खेलाडी विक्री हुनेछन् । आइपिएलमा नाम दर्ता गर्न छुटेका खेलाडीलाई फ्रेन्चाइज टोलीको आग्रहमा बिसिसिआईले पुन थप्न सक्छ ।
आइपिएलमा खेलाडीले २० लाख देखी २ करोडसम्म न्यूनतम मूल्य तोेक्न सक्छन् । फ्रेन्चाइज टोलीको प्रतिस्पर्धाबाट मूल्य बढ्नेछ ।
यस पटक उच्चतम मूल्य २ करोड राख्नेमा अष्ट्रेलियाका मिचेल स्टार्क, जोश हेजलवुड, स्टिभ स्मिथ, प्याट कमिन्स, हर्षल पटेल, शार्दुल ठाकुर, उमेश यादव, केदार जाधव, ट्रविस हेड, जोश इंग्लिस, लोकी फर्गुसन, जेराल्ड कोट्जी, राइली रोसोउ र रास्सी भान डर डुसेन लगायतले राखेका छन् ।
विश्वकप २०२३ मा सानदार प्रदर्शन गरेका न्युजिल्यान्डका रचिन रविन्द्रले ५० लाख भारु आफ्नो न्यूनतम मूल्य राखेका छन् । यस पटकको अक्सनमा न्युजिल्यान्डमा डर्याल मिचेल, रचिन रविन्द्र र मिचेल स्टार्कले महँगो मूल्यमा विक्न सक्ने खेलाडीको रुपमा छन् ।
April 21, 2025
एजेन्सी – कोलकाता नाइट राइडर्सले इन्डियन प्रिमियर लिग (आइपिएल) मा आज गुजरात टाइटन्ससँगको खेलमा टस जितेको छ ।इडन गार्डेन्समा हुने खेलमा कोलकाताले टस जितेर फिल्डिङ रोजेको छ।शुभमन गिलको कप्तानीमा रहेको गुजरात शीर्ष स्थानमा र अजिन्के रहाणेको नेतृत्वमा रहेको कोलकाता सातौं स्थानमा छ।
April 20, 2025
एजेन्सी- रोहित शर्मा र सूर्य कुमार यादवको सानदार साझेदारीमा मुम्बई इण्डियन्सले इण्डियन प्रिमियर लिग (आइपिएल) मा चेन्नई सुपर किङ्सलाई ९ विकेटको फराकिलो अन्तरमा हराएको छ। जितको लागि १ सय ७७ रनको चुनौति पछाएको मुम्बईले १५.४ ओभरमा १ विकेटको नोक्सानीमा लक्ष्य पुरा गर्दै रवाफिलो जित निकाल्यो। ओपनर रायन रिकेल्टन २४ रमा रविन्द्र जडेजाको बलमा आउट भए। […]
April 20, 2025
एजेन्सी – इण्डियन प्रिमियर लिग (आइपिएल) मा चेन्नई सुपर किङ्सले मुम्बई इण्डियन्सलाई जितको लागि १ सय ७७ रनको चुनौति दिएको छ। वाङखेडे स्टेडियममा मुम्बईले टस जित्यो र फिल्डिङ रोज्यो। पहिले ब्याटिङ गरेको चेन्नईले २० ओभरमा ५ विकेट गुमाउँदै १ सय ७६ रन बनायो। पहिलो क्रमका तीन ब्याटर क्रिजमा जम्न टिक्न सकेनन्। ओपनर रचिन रविन्द्र ५ […]
