8 months ago
December 4, 2023
काठमाडौं (हाम्रो खेलकुद) – नेपाली युवा अलराउन्डर गुलशन झाले यू-१९ एसिया कपमा टेस्ट टोलीलाई हराउने ठूलो अवसर रहेको बताएका छन् । यू–१९ एसिया कपको तयारीमा रहेका गुलशनले सोमबार टियुमा अभ्यास गर्नेक्रममा उक्त प्रतिक्रिया दिएका हुन् ।
‘यू-१९ खेलाडीहरुसँग आएर खेल्दा एकदमै खुसी लागेको छ । एसिया कपमा टेस्ट नेशनलाई हराउने ठूलो अवसर हो । त्यहाँ गएर राम्रो क्रिकेट खेल्ने छौं’, गुलशनले भने ।
नेपाली युवा टोली बुधबार यू-१९ एसिया कप खेल्न युएई जानेछ । युएईमा हुने एसिया कपमा नेपाल, भारत, पाकिस्तान र अफगानिस्तान एकै समूहमा छन् ।
समूह बी मा बंगलादेश, श्रीलंका, जापान र युएई छन् । डिसेम्बर ८ देखी १७ सम्म दुबईमा हुनेछ । हरेक समूहका शीर्ष दुई टोलीले सेमिफाइनल खेल्नेछन् । नेपालले ८ डिसेम्बरमा पाकिस्तान, १० डिसेम्बरमा अफगानिस्तान र १२ डिसेम्बरमा भारतसँग खेल्नेछ ।
गुलशनले एसिया कपमा सिनियर टोलीबाट भारत र पाकिस्ताानविरुद्ध खेलेका थिए । उनले यू१९ मा पनि खेल्ने छन् । गुलशन राम्रो क्रिकेट खेल्नु पर्ने बताउँछन् ।
‘हामी सिनियर टोलीबाट त्यहाँ गएर राम्रो क्रिकेट खेल्यौं । हामी आफ्नो शतप्रतिशत दिएर खेलहरु जिताउन खोज्नेछौं । सबैले कडा मिहिनेत गरि राखेका छन् । त्यहाँ गएर राम्रो गर्नेमा सबै जना आत्माविश्वासी पनि छन्’, उनले भने ।
‘हामीले २०१७ को एसिया कपमा भारतलाई हराएका थियौं । विश्वकपमा न्युजिल्यान्ड जस्ता देशलाई हराएका छौं । आफ्नो उत्कृष्ट क्रिकेट खेलेर सकरात्मक नतिजा लिएर आउँछौं’, गुलशनले भने ।
यू१९ एसिया कपपछि नेपालले विश्वकप दक्षिण अफ्रिकामा गएर खेल्नेछ । गुलशनले यू१९ विश्वकप पनि खेल्नेछन् । सिनियर टोलीबाट २०२४ जुनमा टि२० विश्वकप पनि खेल्नेछन् ।
‘एकदमै ठूलो अवसर हो । यू–१९ विश्वकपमा गएर आफ्नो क्षमता देखाउने मलाई अवसर हो । दुबै विश्वकपमा गएर राम्रो गरौंला’, उनले भने ।
‘हाम्रो लक्ष्य त्यहाँ गएर उत्कृष्ट क्रिकेट खेल्ने हुनेछ । नतिजा हाम्रो हातमा हुँदैन । आफ्नो हातमा हुने प्रयास शतप्रतिशत दिएर खेल्ने छौं । भारत र पाकिस्तानलाई हराउन कडा मिहिनेत गरेका छन् । हामी सबैले योजनामा राम्रो काम गरेका छौं । राम्रो नतिजा आउँला’, उनले भने ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]