default_image

3 months ago

December 4, 2023

विवेककी बहिनी साक्षीको उत्कृष्ट ब्याटिङ प्रदर्शन

काठमाडौं (हाम्रो खेलकुद) – नेपाली क्रिकेट टोलीका युवा अलराउन्डर विवेक यादवकी बहिनी साक्षीले सप्तरी जिल्ला छनोटमा सानदार ब्याटिङका साथ अलराउन्ड प्रदर्शन गरेकी छिन् । प्रधानमन्त्री कप अन्तर्गत मधेश प्रदेशको लागि सप्तरी जिल्ला छनोटमा साक्षीले अर्धशतकीय इनिङ खेलेकी खेल्नुको साथै एक विकेट लिएकी हुन् । १४ वर्षीय साक्षीले राजबिराज च्याम्पियन्सबाट खडक क्विनविरुद्ध ४६ बलमा ११ चौकासहित […]

3880 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका युवा अलराउन्डर विवेक यादवकी बहिनी साक्षीले सप्तरी जिल्ला छनोटमा सानदार ब्याटिङका साथ अलराउन्ड प्रदर्शन गरेकी छिन् । प्रधानमन्त्री कप अन्तर्गत मधेश प्रदेशको लागि सप्तरी जिल्ला छनोटमा साक्षीले अर्धशतकीय इनिङ खेलेकी खेल्नुको साथै एक विकेट लिएकी हुन् ।

१४ वर्षीय साक्षीले राजबिराज च्याम्पियन्सबाट खडक क्विनविरुद्ध ४६ बलमा ११ चौकासहित ५९ रनको आक्रामक अविजित इनिङ खेलेकी थिइन् । टस जितेर ब्याटिङ रोजेको राजविराजले निर्धारित २० ओभरमा २ विकेट गुमाउँदै १ सय ६० रन बनाएको थियो । तेस्रो नम्बरमा ब्याटिङ गरेकी उनले ३८ बलमा अर्धशतक पूरा गरेकी थिइन् ।

पहिलो पटक जिल्ला छनोट खेल्दै उनले अर्धशतक इनिङ खेलेकी हुन् । ओपनर निल्शु चौधरी ३१ र साक्षी देव २५ रनमा आउट भइन् । खडकले खेलमा ४५ एक्स्ट्रा दिएको थियो । जसमा ५ नो बल, ३२ वाइड, ५ बाइ र ३ लेग वाई सामेल थियो । खडककी आरती कुमारी रामले ४ ओभरमा ३१ रन खर्चेर २ विकेट लिइन् ।

जितको लागि १ सय ६१ रनको विजयी लक्ष्य पछ्याएको खडक क्विन २० ओभरमा ९ विकेट गुमाउँदै ७७ रन बनाएको थियो । खडककी अन्जली चौधरीले सर्वाधिक १२ रन बनाइन् । अन्य कुनैपनि ब्याटरले दोहोरो अंकमा रन बनाउन सकेनन् ।

ओपनर रविना चौधरी १, चाँदनी ठाकुर २, रमिला मण्डल ५ र सोनिया मण्डल ७ रन बनाए । राजविराजले खेलमा ४६ रन एक्स्ट्रा दिएको थियो । जसमा ४ नो बल, २८ वाइड, १२ बाइ र २ लेग बाइमा रन दिएको थियो ।

अर्धशतक प्रहार गरेपछि साक्षी यादव । तस्विर : सप्तरी जिल्ला क्रिकेट संघ

राजविराजको जितमा दीपा रामले ४ ओभरमा २ मेडनसहित ५ रन खर्चेर सर्वाधिक ४ विकेट लिइन् । त्यस्तै आकृति मण्डलले ४ ओभरमा १० रन खर्चेर १ विकेट लिइन् । मध्यम गतिमा बलिङ गर्दै साक्षी यादवले ४ ओभरमा १४ रन खर्चेर १ विकेट लिइन् ।

साक्षीले क्रिकेट खेल्न थालेको एक वर्ष जति भएको विवेकले हाम्रो खेलकुदलाई बताए । सप्तरी जिल्ला छनोटको लागि राजविराज, खडक क्विन र सुरुगां सुर्विवाल्स त्रिकोणात्मक सिरिजको आयोजना गरिएको छ ।

यी तीन टोलीबीच एक अर्कामा प्रतिस्पर्धा गराएपछि सप्तरीले प्रदेश छनोट खेल्ने टोली घोषणा गर्नेछ । मधेश प्रदेश छनोट मंसिर २२ देखी २६ सम्म चल्नेछ । समूह ए मा सप्तरी, रौतहट र महोत्तरी छन् । समूह बी मा बारा, सर्लाही र सिराह छन् ।

प्रधानमन्त्री कप महिला टि२० राष्ट्रिय क्रिकेट प्रतियोगिता पुष १ देखी काठमाडौंमा सुरु हुँदैछ । प्रतियोगितामा ७ प्रदेश र नेपाल एपिएफ क्लबको प्रतिस्पर्धा गर्नेछन् । प्रधानमन्त्री कप महिला यो पटक देखी लिगमा हुने सम्भावना छ । क्यानले प्रधानमन्त्री कप पुरुष १० टोलीबीच लिगमा गर्ने घोषणा गरेको छ । त्यसैको कारण महिला क्रिकेट पनि लिगमा हुने सम्भावना धेरैछ ।

विवेकको पूरा क्रिकेट जीवनी पढ्नुहोस् : भलिबल खेलाडीका क्रिकेटर छोरा

यो पनि : दाइ दीपेन्द्र जस्तै अलराउन्डर बहिनी राजमति

March 3, 2024

नेपाल आउने आयरल्यान्ड वल्भ्सको टोली घोषणा

काठमाडौं (हाम्रो खेलकुद) – नेपाल भ्रमण आउन लागेको आयरल्यान्ड वल्भ्सको टोली घोषणा भएको छ । आयरल्यान्डको ए टोलीलाई वल्भ्सको नामले चिनिन्छ । क्रिकेट आयरल्यान्डले निल रकको कप्तानीमा ८ खेल खेल्न नेपाल आउने १५ सदस्यीय टोलीको घोषणा गरेको हो । टोलीमा सिनियर टोलीबाट खेलिसकेका ९ खेलाडी समावेश छन् । कप्तान निल रकसँगै ग्यारेथ डेल्नी, जेम्स मक्कोलम, […]

March 3, 2024

आयरल्यान्ड ‘ए’ ले नेपालमा ८ खेल खेल्ने

काठमाडौं (हाम्रो खेलकुद) – टेस्ट राष्ट्र आयरल्यान्डको ‘ए’ टोलीसँग नेपालको राष्ट्रिय टोली र ए टोलीले ८ खेल खेल्ने भएका छन् । मार्च २४ देखि अप्रिल ७ सम्म आयरल्यान्ड टोली नेपाल भ्रमणमा रहनेछ । यसक्रममा टोलीले नेपालको सिनियर टोलीसँग २ टि२० खेल्नेछ । त्यसबाहेक नेपाल ‘ए’ टोलीसँग ३-३ एकदिवसीय र टि२० खेल हुनेछ । जुनमा हुने […]

March 3, 2024

यूएईको लगातार दोस्रो हार

काठमाडौं (हाम्रो खेलकुद) – आइसीसी विश्वकप लिग-२ अन्तर्गत यूएईले घरेलु मैदानमा लगातार दोस्रो हार बेहोरेको छ । आइतबार दुबईमा स्कटल्यान्डसँग ८ विकेटले हारेसँगै यूएईले लिग-२ मा बिर्सनलायक सुरुवात गरेको हो । यसअघि क्यानडाले पहिलो खेलमा यूएईलाई ३ विकेटले हराएको थियो । यूएई पहिलो ब्याटिङ गर्दै ४५ ओभरमा मात्र १ सय ३२ रन जोड्दै अलआउट भएको […]

Success

Thank you for your time.