एजेन्सी – युवा ब्याटर साइ सुदर्शनले भारतीय क्रिकेट टोलीमा डेब्यू गरेका छन् । दक्षिण अफ्रिकाविरुद्ध पहिलो ओडिआई खेलमा भारतले उनलाई डेब्यू दिएको हो ।

जोहनबगर्समा सम्पन्न टसमा दक्षिण अफ्रिका कप्तान एडेन माक्ररमले जितेर पहिला ब्याटिङ गर्ने निर्णय लिएका छन् । २२ वर्षीय सुदर्शनले १२ प्रथम श्रेणी, २५ लिष्ट ए र ३१ टि२० खेल खेलेका छन् । लिष्ट ए मा ६ मा शतक र ४ अर्धशतकसहित कुल १२ सय ६९ रन बनाएका छन् ।

उनले तामिल नाडुबाट घरेलु क्रिकेट खेल्दै उत्कृष्ट प्रदर्शन गर्दै आएका छन् । गत जुलाईमा एसिसी इमर्जिङ टिम्स एसिया कपमा नेपाललाई ९ विकेटले हराउन उनले ५८ रनको अर्धशतकीय इनिङ खेलेका थिए ।

गत वर्ष आइपिएलमा सुदर्शनले गुजरात टाइटन्सबाट उत्कृष्ट प्रदर्शन गरेका थिए । फाइनलमा चेन्नई सुपर किंग्सविरुद्ध उनले ४७ बलमा ८ चौका र ६ छक्कासहित ९६ रनको उत्कृष्ट इनिङ खेलेका थिए ।

दक्षिण अफ्रिकाको प्लेइङ ११ :

रिजा हेन्डिक्स, टोनी डी जोर्जी, रास्सी भान डर डुसेन, एडेन माक्ररम (कप्तान), हेनरिक क्लासेन (विकेटकिपर), डेविड मिलर, विवान मुल्डेर, एन्डिल फेहलुकवयो, केशव महाराज, नान्द्रे बर्गर र तबरेज शाम्सी ।

भारतको प्लेइङ ११ :

लोकेश राहुल(कप्तान), ऋतुराज गायकवाड, साई सुदर्शन, श्रेयस ऐर, तिलक बर्मा, सन्जु स्यामसन, अक्षर पटेल, अर्शदीप सिंह, आवेश खान, कुलदीप यादव र मुकेश कुमार ।