7 months ago
December 19, 2023
काठमाडौं (हाम्रो खेलकुद) – नेपाली महिला क्रिकेट टोलीकी पूर्वकप्तान तथा सर्वाधिक अनुभवी अलराउन्डर ऋतु कनौजियाले प्रधानमन्त्री कप महिला टि२० राष्ट्रिय प्रतियोगितामा सुदूरपश्चिम प्रदेशको कप्तानी गर्ने भएकी छिन् । सुदूरपश्चिमबाट सानदार अलराउन्ड प्रदर्शन गर्दै आएकी ४२ वर्षीय ऋतु पुन कप्तानीमा फर्किएकी हुन् ।
यसअघिको विन्दु रावलको कप्तानीमा सुदूरपश्चिमले घरेलु क्रिकेट खेलेको थियो । सुदूरको टोलीमा ईश्वरी विष्ट, विन्दु रावल, सम्झना खड्का र रुवि पोदार जस्ता पछिल्लो समय नेपाली महिला टोलीबाट खेलेका खेलाडी छन् ।
तीव्र गतिकी बलर कविता कुँवर भने दुई महिना अघि एपेन्डिक्सको शल्यक्रियाको कारण खेल्ने छैनिन् । प्रतियोगिता पुष ५ गते देखी टियु र मुलपानी क्रिकेट मैदानमा हुँदैछ ।
पहिलोे पटक प्रतियोगिता राउन्ड रोविनको आधारमा हुनेछ । सात प्रदेश र नेपाल एपिएफ क्लबले सबैले एक अर्कासँग खेल्ने अवसर पाउनेछन् । शीर्ष चार टोली प्लेअफमा पुग्नेछन् । सुदूरले मुलपानी मैदानमा नेपाल एपिएफ क्लबसँग खेल्दै सुरुवात गर्नेछ ।
सुदुरपश्चिमको टोली :
ऋतु कनौजिया (कप्तान), विन्दु रावल, कविता जोशी, सम्झना खड्का, सोभा रोकाया, अनु कठायत, सावित्री धामी, लक्ष्मी साउद, मनिषा चौधरी, राधिका पुजारा, रेवती धामी, ईश्वरी विष्ट, जानकी थापा र रुवि पोदार ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]