default_image

2 months ago

December 24, 2023

कोशीको लगातार तेस्रो जित

काठमाडौं (हाम्रो खेलकुद) – कोशी प्रदेशले प्रधानमन्त्री कप महिला टि२० राष्ट्रिय प्रतियोगितामा मधेश प्रदेशलाई ६० रनले हराउँदै लगातार तेस्रो जित हात पारेको छ । लगातार तेस्रो जितसँगै कोशीले शीर्ष चारमा रहँदै प्लेअफ खेल्ने सम्भावना बलियो बनाएको छ । जितको लागि १ सय ३० रनको विजयी लक्ष्य पछ्याएको मधेश २० ओभरमा ९ विकेट गुमाउँदै ६९ रन […]

511 views

0 Bookmark

काठमाडौं (हाम्रो खेलकुद) – कोशी प्रदेशले प्रधानमन्त्री कप महिला टि२० राष्ट्रिय प्रतियोगितामा मधेश प्रदेशलाई ६० रनले हराउँदै लगातार तेस्रो जित हात पारेको छ । लगातार तेस्रो जितसँगै कोशीले शीर्ष चारमा रहँदै प्लेअफ खेल्ने सम्भावना बलियो बनाएको छ ।

जितको लागि १ सय ३० रनको विजयी लक्ष्य पछ्याएको मधेश २० ओभरमा ९ विकेट गुमाउँदै ६९ रन बनायो । मधेशको लागि साना प्रविनले ४१ बलमा ३ चौकासहित सर्वाधिक २७ रन बनाइन् । आरति महतोले २० बलमा ४ चौकासहित १८ रन बनाइन् । मधेशका ९ खेलाडीले दोहोरो अंकमा रन बनाउन सकेनन् ।

ओपनर पुजा महतो ३, एलिसा यादव ४, सरस्वती कुमारी चौधरी ७, अनुराधा चौधरी र प्रतिमा शाहले २(२ रन बनाइन् । कोशीको लागि तीव्र गतिकी बलर सबनम राइले ४ ओभरमा १ मेडनसहित ८ रन खर्चेर २ विकेट लिइन् । एलिसा खडियाले ३ ओभरमा ७ रन खर्चेर २ विकेट लिइन् । रुविना क्षेत्री र संगिता राइले १(१ विकेट लिइन् ।

त्यसअघि टियु क्रिकेट मैदानमा टस जितेर पहिला ब्याटिङ रोजेको कोशीले निर्धारित २० ओभरमा ४ विकेट गुमाउँदै १ सय २९ रन बनाएको थियो ।

कोशीको जितमा कप्तान रुविना क्षेत्रीले ६४ बलमा ९ चौकासहित सर्वाधिक ५४ रनको अर्धशतकीय इनिङ खेलेकी थिइन् । ओपनर काजोल श्रेष्ठलाई तीव्र गतिका बलर पुजा महतोले पहिलो ओभरको तेस्रो बलमै शून्यमा एलबीडब्लू आउट गरेकी थिइन् ।

दोस्रो विकेटका लागि काजोल र रुविनाले १ सय २ रनको शतकीय साझेदारी गरेका थिए । अप्सरी सरस्वती कुमारी चौधरीले १९ औं ओभरको चौथो बलमा ठूलो सर्ट खेल्ने धुनमा डिप मिडविकेटमा साक्षी यादवबाट क्याच आउट भइन् । अप्सरीले ४१ बलमा ७ चौकासहित ३९ रन जोडेकी थिइन् ।

सबनम राई ८ बलमा २ चौकासहित १६, लखिता राजवंशी ६ र नमिता श्रेष्ठले २ रन बनाएका थिए । मधेशकी मिना महतोले ३ ओभरमा २७ रन खर्चेर २ विकेट लिइन् । पुजा महतो र सरस्वती चौधरीले १(१ विकेट लिइन् ।

कोशीले पहिलो खेलमा कर्णालीलाई १० विकेट र बागमती प्रदेशलाई ८ विकेटले हराएको थियो । अव सोमबार कोशीले एपिएफसँग खेल्नेछ । मधेशको भने लगातार तेस्रो हार हो । मधेश बागमती प्रदेशसँग २८ र एपिएफसँग १० विकेटले पराजित भएको थियो । मधेशले सोमबार गण्डकीसँग खेल्नेछ ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.