काठमाडौं (हाम्रो खेलकुद) – श्रीलंकालाई विश्व कप क्रिकेटको उपाधि जिताएका डेभ वाटमोरले दुई साता नेपाली क्रिकेट खेलाडीसँग बिताउने भएका छन्।
बल एन्ड ब्याड फाउन्डेसनको उद्घाटनका लागि सोमबार राजधानी आइपुगेका वाटमोरले १५ दिन नेपाली खेलाडीलाई प्रशिक्षण दिइने बताइएको छ । नेपाली क्रिकेटको विकासमा सहयोग पुर्याउने उद्देश्यले फाउन्डेसन स्थापना गरिएको दाबी गरिएको छ । नेपाल क्रिकेट प्लेयर्स एसोसियसनसँगको सहकार्यमा ३२ नेपाली क्रिकेट खेलाडीलाई वाटमोरले प्रशिक्षण दिनेछन् ।
फाउन्डेसनको उद्घाटन कार्यक्रममा वाटमोरले नेपाली खेलाडीहरूको प्रतिभा निखार्न आफुले प्रयास गर्ने बताएका छन् । नेपाली क्रिकेट टोलीका कप्तान पारस खड्काले वाटमोर जस्ता विश्वका उत्कृष्ट प्रशिक्षकसँग प्रशिक्षण लिन पाउँनु खुसीको विषय भएको र मौकाको अधिकत्तम उपयोग गर्नु पर्ने बताएका छन् ।
नेपाली टोली आइसिसी विश्व क्रिकेट लिग च्याम्पियनसिपका लागि केन्याविरुद्धको तयारीमा जुटेको छ । वाटमोरको प्रशिक्षणमा श्रीलंकाले सन् १९८६ को विश्वकप जितेको थियो । श्रीलंकामा जन्मेका उनी सन् १९६२ मा अस्ट्रेलिया गएका थिए । उनले अस्ट्रलियाबाट टेस्ट र एकदिवसीयका केही खेल खेलेका थिए ।
