default_image

6 months ago

January 22, 2024

जसले विश्वकप गुमाए, तर एकै दिन शतक बनाए

3474 views

0 Bookmark

सुबास हुमागाईं, काठमाडौं

नेपालले आइसीसी यू-१९ विश्वकप अन्तर्गत पहिलो खेलमा आइतबार न्युजिल्यान्डविरुद्ध ६४ रनको हार बेहोर्यो । ८ वर्षपछि विश्वकप पुगेको नेपालका लागि अधिकांश खेलाडीको प्रदर्शन औसत नै रह्यो ।

ओपनर अर्जुन कुमालले भने ९० रनको इनिङ खेल्दै नेपालको स्कोरलाई सम्मानजनक स्थितिमा पुर्याएका थिए । खराब सुरुवात पाएको नेपाललाई अर्जुन र तल्लोक्रमका ब्याटरले राम्रो स्कोरसम्म पुर्याएका थिए । अर्जुन नेपालका लागि विश्वकपमा पहिलो शतक बनाउने अवसरबाट चुके ।

अर्जुन शतक बनाउन चुकेको भोलिपल्ट नेपालमा चलिरहेको प्रधामन्त्री कप २०२४ अन्तर्गत टियु मैदानमा भने यू१९ छनोटका लागि योग्य २ ब्याटरले शतक बनाए । मधेशका मयन यादव र सुदूरपश्चिमका नरेन भट्ट दुवैले सिनियर टोलीका लागि शतक पूरा गरे ।

मयनले सोमबार टियु मैदानमा तेस्रो नम्बरमा ब्याटिङ गर्दै १ सय १५ रन जोडे । तेस्रो ओभरमा क्रिजमा आएका उनले ४८ औं ओभरसम्म ब्याटिङ गर्दै १ सय २८ बलको सामना गरे । उनले ८ चौका र २ छक्कासहित झन्डै ९० को स्ट्राइक रेटमा ब्याटिङ गरेका थिए । उनले टोलीका दुई अनुभवी ब्याटरसँग शतकीय साझेदारी समेत बुनेका थिए ।

यता नरेन पनि तेस्रो नम्बरमा ब्याटिङ गर्न आएका थिए । इनिङको तेस्रो बलमा ओपनर टेक रावत आउट भएपछि क्रिजमा आएका नरेन ४५ औं ओभरमा ठूलो सट खेल्ने धुनमा क्याच आउट भए । उनले १ सय २२ बलमा १३ चौका र १ छक्कासहित १ सय २१ रन जोडे । अर्कोतर्फ लगातार विकेट खस्दा नरेन एक्लैले इनिङ अघि बढाएका थिए ।

यी दुवैले पछिल्लो पटक यू१९ टोली छनोटलाई आधार मानिएको क्यान यू-१९ राष्ट्रिय प्रतियोगितामा आ-आफ्नो प्रदेशका लागि खेलेका थिए ।

१७ वर्षीय नरेनले उक्त छनोट प्रतियोगितामा ७ खेलमा १ सय ६ रन जोडेका थिए । त्यसबेला विश्वकप छनोटमा नपरेका नरेनले अघिल्लो वर्ष नै एसीसी यू१६ इस्ट जोनको फाइनलमा शतक प्रहार गरेका थिए । उनले ८९ बलमा १ सय १२ रन जोड्दै नेपाललाई उपाधि दिलाएका थिए । त्यसपछि विश्वकपको लागि क्याम्पमा रहेपनि उनले टोलीमा स्थान बनाउन सकेनन् ।

१६ वर्षको उमेरमा उक्त छनोट खेलेका मयनले भने यू१९ छनोटमा खासै रन जोड्न सकेनन् । त्यसपछि यू१९ को क्याम्पमा उनी सहभागी त भएका थिए । तर टोलीमा पर्न भने सकेनन् ।

यू१९ टोलीमा पर्न नसकेका मयनले यस प्रतियोगितामा लगातार रन बटुलिरहेका थिए । सुरुवाती खेलमा १ रनमै आउट भएपनि उनले आर्मीविरुद्ध ३४ र बागमतीविरुद्ध ३१ रन जोडे । एपिएफसँग २ रनमा आउट भएका उनले कर्णालीविरुद्ध भने अर्धशतक बनाए । सुदूरपश्चिमविरुद्ध शतक जोड्दै उनी प्रतियोगितामा २ सय रन पार गर्ने चौथो खेलाडी बने ।

खेलपछि बोल्दै मयनले सिनियर टोलीबाट शतक बनाउँदा मनोबल बढेको बताए । ‘यसरी नै स्कोरलाई ठूलोमा कन्भर्ट गर्नुपर्छ । मेरो मनोबल पनि उच्च भएको छ । सिनियर खेलाडी हुँदा मलाई सहज पनि भएको छ,’ उनले भने ।

मयनले यू१९ टोलीमा नपरेका कारण पिएम कपमा राम्रो गर्ने सोचका साथ आएको बताए । ‘यू१९ टोलीमा नपरेपछि यो अवसर आएको छ । यसको सदुपयोग गर्नुपर्छ भन्ने लागेको थियो । अब नेपाल ए को लागि अवसर आउँछ भने त्यसको सदुपयोग गर्ने प्रयास हुनेछ,’ मयनले थपे ।

यता नरेनले यो शतकले आफूलाई सहयोग पुग्ने बताए । ‘अहिले शतक बनेको छ । अब राम्रो हुन्छ होला । सिनियर दाइहरुले पनि सहयोग गर्नुभएको छ । आउने दिनमा पनि यस्तै सहयोग पाउने अपेक्षा छ,’ उनले भने ।

नरेनले यू१६ को शतकपछि नजरमा पर्न सहज भएको बताए । ‘यू१६ मा शतक बनाएपछि अरुको नजरमा परें । छनोट हुन त्यसले नि सहज भयो । तर त्यसपछि रन बन्न सकेन । अहिले सुदूरपश्चिममा सिनियर टोलीबाट शतक बनेको छ, खुसी छु,’ उनले भने ।

मयन र नरेनजस्तै यू१९ विश्वकप गुमाएर प्रधानमन्त्री कप खेल्ने अन्य प्रतिभा पनि छन् । यीसँगै सिनियर टोलीमा यसअघि परेर बाहिर रहेका खेलाडीको पनि यो समय नजर नेपाल ए टोलीमा छ । सिनियर टोलीको ब्याकअपको रुपमा नेपाल ए को निर्माण गर्ने भने सँगै खेलाडीलाई प्रदर्शन गर्न पनि मनोबल उच्च भएको मधेश प्रदेशका विकेटकिपर अनिल शाहले बताए ।

‘पहिला राष्ट्रिय टोलीमात्र थियो । नेपाल ए हुँदा अब हामी पनि टिमसँग जोडिएर बस्छौं । टोलीबाट बाहिर रहँदा नकारात्मक सोच आउँछ । अब चाहिं सकारात्मक सोच विकास गर्न मदत पुग्छ,’ अनिलले भने ।

अनिलजस्तै थुप्रै राष्ट्रिय टोलीबाट बाहिर रहेका खेलाडीलाई नेपाल ए निर्माण हुने कुराले हौसला दिएको छ । राष्ट्रिय टोलीको ब्याकअपको रुपमा स्थान बनाउन सके पनि करिअरमा मदत पुग्ने बुझाइ खेलाडीको छ । अझ युवा खेलाडीलाई सिक्न थप अवसर प्राप्त हुँदा मयन र नरेनजस्ता प्रतिभा पनि सिनियर खेलाडीविरुद्ध जमेर खेलिरहेका छन् ।

अनिल, मयन र नरेनसँगको अन्तर्वार्ता हेर्नुहोस :

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.