default_image

4 months ago

February 12, 2024

क्यानडा सिरिजमा बेन्च स्ट्रेन्थको सफल परिक्षण

6316 views

0 Bookmark

सुबास हुमागाईं, काठमाडौं

नेपाली राष्ट्रिय क्रिकेट टोलीले क्यानडाविरुद्ध एकदिवसीय अन्तर्राष्ट्रिय सिरिज क्लिन स्विप गर्यो । क्यानडा तुलनात्मक रुपमा कमजोर प्रतिद्वन्द्वी भएपनि नेपालले यो सिरिज सिनियर टोलीको लिग-२ यात्राको तयारी र आफ्नो बेन्च स्ट्रेन्थ मापनको लागि प्रयोग गरेको थियो । मैदानमा खेलाडीले गरेको प्रदर्शन, सिरिजको नतिजा र वैकल्पिक खेलाडीको प्रयोग हेर्दा सिरिज पूर्ण रुपमा सफल भएको मान्न सकिन्छ ।

प्रशिक्षक मोन्टि देशाइले सिरिजका लागि टोली घोषणा गर्ने समयमा नै टोलीका तीन नियमित खेलाडीलाई विश्राम दिएका थिए । अलराउन्डर दीपेन्द्रसिंह ऐरी र गुलशन झासँगै तीव्र गतिका बलर करण केसीलाई क्यानडा सिरिजका लागि तयार राख्न विश्राम दिइयो । दीपेन्द्र क्यानडा सिरिज चल्दैगर्दा यूएईको आईएलटि२० मा सहभागिता जनाउन लागे । सम्भवत दीपेन्द्रको सम्भावित प्रस्थान थाहा भएर टोलीले यो निर्णय लिएको थियो ।

यू१९ विश्वकपमा लगातार क्रिकेट खेलेका गुलशनलाई पनि विश्राम दिइयो । विश्वकपमा बलिङमा राम्रो प्रदर्शन गरेका गुलशनको ब्याट भने चलेन । त्यसैले उनलाई मानसिक रुपमा तयार हुन पनि विश्राम दिने निर्णय लिइएको थियो । यता प्रधानमन्त्री कपमा लगातार खेलेका करणलाई आगामी सिरिजमा उनको आवश्यकता हेर्दै विश्राम दिइयो ।

यसबाहेक क्यानडा सिरिजको ३ खेलमा भीम सार्की र कप्तान रोहित पौडेलबाहेक सबै खेलाडीले कम्तिमा एक खेल विश्राम गरे । सुरुवाती २ खेलमा अलराउन्ड प्रदर्शन गर्दै प्लेयर अफ द म्याच घोषित रोहितले अन्तिम खेलमा आफूलाई न बलिङमा प्रयोग गरे न ब्याटिङ नै गर्नुपर्यो ।

यता भीमले प्रधानमन्त्री कपमा खासै जम्न नसकेका कारण उनलाई ३ खेलमै मौका दिइयो । सुरुवाती २ खेलमा सुरुवात पाएपनि त्यसलाई अन्त्य गर्न नसकेका भीमलाई तेस्रो नम्बरमा बढुवा गरियो । र त्यस विश्वासमा उनले न्याय गरे । अनिल शाहसँग कीर्तिमानी साझेदारी गर्ने क्रममा उनले करिअरकै पहिलो शतक पनि बनाए ।

ब्याटिङमा कुशल भुर्तेलले आक्रामक सुरुवात दिलाउने आफ्नो छवीलाई कायम राखे । आसिफले सुरुवाती २ खेलमा राम्रो सुरुवात दिन नसक्दा तेस्रो खेलमा विश्राम दिइयो । अनिलले लगातार दुई इनिङ खेलेसँगै उनीमाथि दबाब छ । तर अहिले नै कुशल र आसिफको जोडी तोड्ने सम्भावना कम छ । नेपाल ए लाई ध्यानमा राख्दै अनिल लिग-२ को लागि वैकल्पिक सूचीमा रहेकाले पनि आसिफसँग लिग-२ मा आफ्नो स्थान प्रमाणित गर्ने अवसर छ ।

नम्बर ३ मा रोहित पौडेल नै उत्रने बलियो सम्भावना छ । यसबाहेक भीम सार्की र आरिफ शेखलाई देव खनालले मध्यक्रममा प्रतिस्पर्धा दिएका छन् । कुशल मल्ल बायाँ हाते स्पिनरको विकल्पसँगै मध्यक्रम ब्याटिङमा उभिन सक्छन् । दीपेन्द्रसिंह ऐरीको आगमनपछि भने टोलीमा बलर वा ब्याटर थप्ने विकल्पमा देशाइलाई सन्तुलन बनाउन केही सहजता हुनेछ ।

पवन सर्राफले पाएको अवसरलाई नतिजामा बदल्न सकेनन् । उनलाई हालको अवस्थामा दीपेन्द्रको सिधा परिवर्तनको रुपमा नै हेर्न सकिन्छ । रोहित पौडेल र कुशल भुर्तेलले पार्ट टाइम बलिङ गर्दै दीपेन्द्रलाई केहि सहयोग गर्न सक्छन् । तर विपक्षीमा बायाँ हाते ब्याटर धेरै हुँदा पवनलाई अतिरिक्त स्पिन अलराउन्डरको रुपमा खेलाउने विकल्प भने छ ।

डेब्यु पाएका सूर्यले घरेलु क्रिकेटको लयलाई क्यानडाविरुद्ध निरन्तरता दिन सकेनन् । बायाँ हाते ब्याटरविरुद्ध नै बलिङ गर्दा पहिलो खेलमा उनी जम्न सकेनन् । दोस्रो खेलमा केही लय समाएपनि उनको विकेट लिने क्षमता भने प्रस्फुटन हुन सकेन । सिनियर टोलीले बनाएको फिल्डीङको बेन्चमार्कमा उनी केहि संघर्ष गरिरहेको देखिन्थे । क्यानडा सिरिजलाई आधार मान्ने हो भने हाललाई ललित र कुशल मल्ल नै बायाँ हाते विकल्प देखिन्छन् ।

युवा बलरत्रय रिजन ढकाल, आकाश चन्द र हेमन्त धामी तीनैले पाएको अवसरमा राम्रो गरे । प्रतिशको स्थानमा बायाँ हाते बलरको स्थान लिएका रिजन लिग-२ को टोलीमा समावेश छन् । आकाश र हेमन्तले पनि यू१९ मा बनाएको छाप सिनियर टोलीमा कायम राखे । आकाश र हेमन्त दुवै नेपाल ए को मुख्य बलरको रुपमा उत्रने सम्भावना छ । करण र सोमपाललाई विश्राम चाहिँदा यी खेलाडी तयार भएको मान्न सकिन्छ ।

क्यानडा सिरिजमा उच्च प्रदर्शन गरेका देव खनाल र अनिल शाहलाई सिरिज सुरु हुनुअघि नै लिग-२ को विकल्पमा राखिएको थियो । नेपाल ए र क्यानडाको टोलीले लिग-२ चलिरहँदा एकदिवसीय सिरिज खेल्ने हुनाले यी दुईलाई विकल्पमा राखिएको थियो । लिग-२ टोलीमा राख्दा बेन्चमा मात्र बस्नुपर्ने अवस्था देशाइ हेर्न चाहदैन थिए ।

आकाश चन्द र हेमन्त धामीले पनि नेपाल ए बाट क्यानडाविरुद्ध खेल्नेछन् । यस्तै प्रधानमन्त्री कपमा प्रभाव छाडेका नामहरु पनि त्यो सुचिमा हुनेछन् । क्यानडाविरुद्ध उच्च प्रदर्शन गरेर यी खेलाडीले सिनियर टोलीलाई आवश्यक पर्दा आफूहरु खेल्न तयार रहेको प्रमाणित गरेका छन् ।

क्यानडा सिरिजले प्रशिक्षक देशाईलाई बेन्च स्ट्रेन्थ हेरेर केही सन्तोषको सास फेर्ने अवसर दिएको छ । सँगसँगै सिनियर टोलीमा रहेका खेलाडीलाई प्रदर्शन गर्न नसके विकल्पमा खेलाडी तयार रहेको संदेश पनि छोडेको छ । यसले टोलीभित्र आन्तरिक प्रतिस्पर्धा बढाएर टोलीलाई अझ बलियो बनाएको छ ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.