default_image

4 weeks ago

March 22, 2024

भारतीय फ्राञ्चाइज लिग आईपिएल आजदेखि

काठमाडौं (हाम्रो खेलकुद) – विश्व क्रिकेटकै सबैभन्दा ठूलो घरेलु टि-२० फ्रानचाइज लिग इंडियन प्रिमियर लिग (आईपिएल) आजदेखि सुरु हुँदैछ । उद्दघाटन खेलमा बेलुका ८:१५ बजे चेन्नाई सुपर किंग्स र रोयल च्यालेन्जर्स बेंगलूरु भिड्ने छन् । पाँच पटकको विजेता चेन्नाईको कप्तानीबाट महेन्द्र सिंह धोनी हट्दै जिम्मेवारी रुतुराज गाइक्वाडलाई दिएका छन् । प्रतियोगिताको पूर्वसन्ध्यामा चेन्नाईले धोनी यसपटक […]

854 views

0 Bookmark

काठमाडौं (हाम्रो खेलकुद) – विश्व क्रिकेटकै सबैभन्दा ठूलो घरेलु टि-२० फ्रानचाइज लिग इंडियन प्रिमियर लिग (आईपिएल) आजदेखि सुरु हुँदैछ । उद्दघाटन खेलमा बेलुका ८:१५ बजे चेन्नाई सुपर किंग्स र रोयल च्यालेन्जर्स बेंगलूरु भिड्ने छन् ।

पाँच पटकको विजेता चेन्नाईको कप्तानीबाट महेन्द्र सिंह धोनी हट्दै जिम्मेवारी रुतुराज गाइक्वाडलाई दिएका छन् । प्रतियोगिताको पूर्वसन्ध्यामा चेन्नाईले धोनी यसपटक कप्तान नरहने घोषणा गरेको थियो ।

उता बेंगलूरुले भने नयाँ नामका साथमा प्रतियोगिता सुरु गर्नेछ । यसअघि रोयल च्यालेन्जर्स बैंगलोरको नामले चिनिएको यस टोली यसपटक भने रोयल च्यालेन्जर्स बेंगलूरुको नामले खेल्नेछ । टोलीको कप्तानी फ्याफ डु प्लेसिसले नै गर्नेछन् । भर्खरै मात्र महिला टोलीले उपाधि जिते पश्चात पुरुष टोली पनि पहिलो पटक उपाधि जित्ने दाउमा हुनेछ ।

पाँच पटकको अर्को विजेता टोली मुम्बई इण्डियन्स यसपटक पनि उपाधि दावेदार रहनेछ । मुम्बईले समेत कप्तानीमा परिवर्तन गरेको छ । गत संस्करणमा गुजरात टाइटन्सको कप्तानी गरेका हार्दिक पन्ड्या टोलीमा फर्किएसंगै रोहित शर्माबाट टोलीको कप्तानीको जिम्मेवारी लिएका छन् ।

पन्ड्याले गुजरातसँगको यात्रा समाप्त गरेसँगै सो टोलीको कप्तानीमा युवा खेलाडी शुभमन गिल रहनेछन् । गत संस्करणको सर्वाधिक रनकर्ता रहेका गिल माथि यसपटक टोलीको नेतृत्व गर्ने जिम्मेवारी थपिएको छ ।

यस्तै सनराइजर्स हैदराबादको नेतृत्व अष्ट्रेलियालाई विश्वकप जिताएका प्याट कमिन्सले गर्नेछन् । ठूलो मूल्यमा हैदराबाद गएका कमिन्सबाट टोलीले ठूलै अपेक्षा राखेको आँकलन गर्ने सकिन्छ ।

कोलकत्ता नाइट राइडर्सले यसपटक आईपिएल इतिहासकै सबैभन्दा महंगो खेलाडीको रूपमा अष्ट्रेलियाका पेसर मिचेल स्टार्कलाई टोलीमा ल्याएको छ । उनलाई कोलकत्ताले २४.८५ करोड भारतीय रुपैयाँमा भित्र्याएको छ । उनी २०१५ पछि पहिलोपटक आईपिएल खेल्न लागेका हुन् ।

दिल्ली क्यापिटल्सका कप्तान ऋषभ पन्त झण्डै डेढ वर्षपछि मैदानमा फर्किने छन् । २०२२ को डिसेम्बरमा ठूलो दुर्घटनामा परेसँगै उनले लामो समय मैदान बाहिर बिताएका थिए । उनको अनुपस्थितिमा डेभिड वार्नरले टोलीको कप्तानी गरेका थिए । तर गत हप्ता उनलाई बिसिसीआईले आईपिएलका लागि फिट घोषित गरेको थियो ।

प्रतिस्पर्धाको दुवै सिजनमा प्लेअफको यात्रा तय गरेको लखनऊ सुपर जाएन्ट्स यसपटक पनि राम्रो यात्रालाई निरन्तरता दिन चाहन्छ । भारतीय ब्याटर केएल राहुलको नेतृत्वमा लखनउले राम्रो टोलीको निर्माण गरेको छ । टोलीमा निकोलस पुरन सहित राजस्थान रोयल्सबाट क्विन्टन डीकक र देवदत्त पडीकल थपिएका छन् ।

शिखर धवन र सञ्जु स्यामसनको कप्तानीमा रहेका पंजाब किंग्स र राजस्थान रोयल्स पनि राम्रो प्रदर्शनको तरखरमा छन् । पहिलो सिजनको विजेता राजस्थानले त्यसपछि एकपटक मात्र फाइनल खेलेको छ । पंजाब भने २०१४ मा उपविजेता हुनुबाहेक कुनै संस्करणमा फाइनल पुग्न सकेको छैन ।

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.