default_image

1 month ago

April 12, 2024

हंगकंगद्वारा कतार पराजित

2453 views

0 Bookmark

मस्कट (हाम्रो खेलकुद) – एसिसि प्रिमियर कप २०२४ अन्तर्गत समूह ए को खेलमा हंगकंग विजयी भएको छ । हंगकंगले कतार माथि २६ रनको जित निकाल्दै सुखद सुरुवात गरेको हो ।

हंगकंगले दिएको २०२ रनको विशाल लक्ष्य पछ्याएको कतारले २० ओभरमा ८ विकेट गुमाएर १७५ रन मात्र बनाउन सक्यो ।

कतारका लागि सक्लेन अरशदले ३४ बलमा सर्वाधिक ५० रन बनाए । यस्तै मुहम्मद तन्भिरले २१ बलमा ४६ रन जोडे । मोहम्मद अहनाफले २४ बलमा ३२ रन बनाए ।

हंगकंगका लागि एहसान खान एक्लैले ४ विकेट लिए भने धनन्जय राओ, यासिम मुर्तजा, एइजाज खान र नस्रुल्लाह रानाले समान १-१ विकेट लिए ।

त्यसअघि अल अमेरातमा टस जितेर ब्याटिङ गरेको हंगकंगले २० ओभरमा ७ विकेट गुमाएर २०१ रन बनायो ।

हंगकंगका लागि कप्तान निजाकत खानले ३७ बलमा सर्वाधिक ५९ रन बनाए भने बाबर हायतले ३९ बलमा ५५ रन जोडे । यस्तै एइजाज खानले ३७ रन जोडे ।

कतारका लागि मुसावर खानले २ तथा आमिर फरुक, इक्रामुल्लाह खान, गयन मुनाविरा र हिमांशु राथोडले १-१ विकेट लिए ।

सोही समूहमा रहेको नेपालले आज नै भएको खेलमा मलेसिया माथि ५ विकेटको जित निकाल्यो ।

नेपालको समूहमा मलेसिया, साउदी अरब, हंगकंग र कतार रहेका छन् । नेपालले भोलि दोस्रो खेलमा कतारको सामना गर्नेछ ।

समूह बी मा युएई, कुवेत, ओमान, बहराइन र कम्बोडिया रहेका छन् । ओमान र युएईले आज नै भएका खेलमा जित हासिल गर्दै विजयी सुरुवात गरिसकेका छन् । ओमानले बहराइन विरुद्ध ३ रनले र युएईले कुवेत माथि ७ विकेटको जित निकालेको हो ।

दुवै समूहबाट शीर्ष २ टोलीले सेमिफाइनलमा स्थान बनाउनेछन् । प्रतियोगिताको विजेता मात्र एसिया कपका लागि छनोट हुनेछ ।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.