3 months ago
April 15, 2024
मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो ।
वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र बनाउन सक्यो । बहराइनका लागि साथैया भिरापाथिरनले १५ बलमा सर्वाधिक २७ रन बनाए । यस्तै इमरान अनवरले २५ तथा अह्मर बिन नासिरले २४ रन जोडे । हैदर बटले १८ रनको योगदान गरे ।
कुवेतका लागि यासिन पटेलले ३ तथा शाहरुख कुद्दुस, अद्नान इद्रिस र निमिश लतिफले १-१ विकेट लिए ।
त्यसअघि अल अमेरातमा टस हारेर पहिले ब्याटिङको निम्तो पाएको कुवेतले निर्धारित २० ओभरमा ७ विकेट गुमाउँदै १६१ रनको विशाल योगफल खडा गर्यो ।
कुवेतका लागि मित भावसरले ३६ बलमा सर्वाधिक ५४ रन बनाएका थिए भने बिलाल ताहिरले २३ बलमा ४० रन बनाए । क्लिण्टो अण्टोले १९ रन बनाए भने अन्य ब्याटरको उल्लखनिय प्रदर्शन रहेन ।
बहराइनका लागि अलि दावुद र इमरान अनवरले समान २-२ तथा रिजवान बट, सरफराज अलि, साथैया भिरापाथिरनले १-१ विकेट लिए ।
जितसँगै कुवेत ३ खेलमा ४ अंकसहित समूह बी को दोस्रो स्थानमा छ । ४ अंक नै रहेको युएई तेस्रो छ भने ६ अंक सहित ओमान पहिलो स्थानमा छ । बहराइन र कम्बोडिया अंक विहिन छन् ।
यस समुहमा कुनै पनि टोलीको सेमिफाइनलमा स्थान पक्का भएको छैन । शिर्ष तीन मध्य ओमान र कुवेतले सँग खेल्न बाँकी रहेको छ भने युएईले कम्बोडिया विरुद्ध खेल्न बाँकी रहेको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]