default_image

1 month ago

April 17, 2024

नेपाल अपराजित रहँदै सेमिफाइनलमा

4255 views

0 Bookmark

मस्कट (हाम्रो खेलकुद) – एसीसी प्रिमियर कपको सेमिफाइनलमा पुगिसकेको नेपाल समूह चरणमा अपराजित रहेको छ । एक खेल अगावै सेमिफाइनलमा पुगिसकेको नेपालले आज समूह चरणको अन्तिम खेलमा साउदी अरबलाई ६ विकेटले हराउँदै सतप्रतिशत नतिजा निकालेको हो ।

पिच भिजेका कारण ८ ओभरमा घटाइएको खेलमा साउदीले दिएको ७४ रनको लक्ष्य नेपालले ७.१ ओभरमा ४ विकेट गुमाएर भेटायो । नेपालका लागि गुलशन झा १६ बलमा १ चौका र २ छक्का सहित २८ रन बनाएर अविजित रहे । यस्तै कप्तान रोहित पौडेल ७ बलमा १७ रनमा नटआउट रहे ।

नेपालको जित संगै हङकङ समूहमा दोस्रो रहँदै अन्तिम चारमा प्रवेश गरेको छ । जित्नै पर्ने खेलमा साउदी अरब पराजित भएका कारण हङकङ समूह उपविजेता रहँदै सेमिफाइनलका लागि छनोट भएको हो । नेपालले अब समूह बी को विजेता सँग फाइनल प्रवेशका लागि खेल्नेछ । हङकङले सोही समूहको उपविजेता सँग खेल्नेछ ।

हङकङको ४ खेलमा ४ अंक रह्यो । कतारको पनि ४ अंक रहेपनि नेट रनरेटका आधारमा तेस्रो भयो । हङकङको नेट रनरेट -०.१२८८ रहेको छ भने कतारको -०.४५३ रह्यो । साउदी भने २ अंक सहित चौथो स्थानमा सिमित भयो । मलेसिया २ अंकसहित पुछारमा रह्यो ।

मध्यम लक्ष्य पाएपनि नेपालको सुरुवात भने खराब रहेको थियो । नेपालका ओपनरद्वय कुशल भुर्तेल र आशिफ शेख सस्तैमा पेभेलियन फर्किएका थिए । कुशल इनिङको दोस्रो बलमा नै इशतियाक अहमदको बलमा थर्ड म्यानमा क्याच आउट भए ।

आशिफ दोस्रो ओभरको दोस्रो बलमा २ रन बनाएर उसमान नजिबको बलमा क्याच आउट नै हुन पुगे । कुशल मल्ल अर्को ओभरमा इशतियाकको बलमा २ रनमा नै बोल्ड आउट भए ।

त्यसपछि गुलशन झा र दीपेन्द्र सिंह ऐरीले केहि बेर इनिङ सम्हालेका थिए । तर ९ बलमा १७ रन बनाएर दीपेन्द्र पाँचौं ओभरको अन्तिम बलमा वाजी उल हसनको बलमा क्याच आउट भए । तर गुलशन र रोहित मिलेर नेपाललाई जित तर्फ डोहोर्याए ।

साउदीका लागि इशतियाक अहमदले २ तथा उस्मान नजिब र वाजी उल हसनले १-१ विकेट लिए ।

त्यसअघि टस हारेर पहिले ब्याटिङ गरेको साउदीले निर्धारित ८ ओभरमा ६ विकेट गुमाउँदै ७३ रन बनायो । साउदीका लागि अब्दुल वाहिदले १६ बलमा ३ चौका र ३ छक्का प्रहार गर्दै ३७ रन जोडे । अन्य ब्याटरले भने दोहोरो अंक पनि छुन सकेनन् । साउदीका काशिफ अब्बासको ८ रन दोस्रो ठूलो स्कोर रहन पुग्यो ।

नेपालका लागि करण केसीले २ ओभरमा २१ रन खर्चेर २ विकेट लिए । यस्तै अविनाश बोहोराले पनि २ ओभरमा १५ रन खर्चेर २ विकेट नै लिए । ललित राजवंशीले २ ओभर गर्दै २१ रन खर्चेर १ विकेट लिए । प्रतिश जिसीले १ ओभर बलिङ गर्दै १० रन दिएर १ विकेट हात पारे ।

आज समूह बि बाट अन्तिम चारमा पुग्ने दुई टोलीको टुंगो समेत लाग्नेछ । ४:१५ बजे हुने खेलहरुमा युएई र कम्बोडिया भिड्दा ओमान र कुवेत प्रतिस्पर्धा गर्नेछन् ।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.