3 months ago
April 17, 2024
काठमाडौं (हाम्रो खेलकुद) – आशुतोष गिरहियाको सानदार शतकमा बागमती प्रदेशले वीर गणेशमान सिंह राष्ट्रिय टी–ट्वान्टी च्याम्पिनसिपमा पहिलो जित हात पारेको छ । बागमतीले बुधबार गण्डकी प्रदेशलाई ६७ रनको सहज नतिजामा हराएको हो । गण्डकीको यो लगातार दोस्रो हार हो ।
माथिल्लो मुलपानी मैदानमा भएको खेलमा टस जितेर पहिले ब्याटिङ गरेको बागमतीले २० ओभरमा ६ विकेट गुमाउँदै १ सय ९८ रनको ठूलो योगफल बनायो । यो योगफल बनाउने क्रममा ओपनर आशुतोष नायक बने । उनी पुरै २० ओभर क्रिजमा रहे ।
अन्तिम ओभरको पहिलो बलमा छक्का र दोस्रो बलमा दुई रन लिंदा आशुतोषले ५४ बलमा शतक पूरा गरे । उनले ५६ बल खेल्दै ७ चौका र ६ छक्का सहित १ सय १ रनको पारी खेले । यसैगरी रविन जोशीले ३६, आदिल खानले १९, इशान पाण्डेले १५ र कप्तान रित गौतमले १० रन बनाए ।
बलिङमा कमजोर गण्डकीको लागि कमल परियार र अमृत गुरूङले २÷२ तथा सन्दीप क्षेत्री र विपीन खत्रीले १/१ विकेट लिए ।
जवाफमा १ सय ९९ रनको विशाल लक्ष्य पछ्याएको गण्डकी १९.२ ओभरमा सम्पूर्ण विकेट गुमाउँदै मात्र १ सय ३१ रनमा समेटियो । उसको लागि अमृत गुरुङले नटआउट ३४ रन बनाए ।
अन्य कुनै पनि ब्याटर क्रिजमा टिक्न सकेनन् । सन्दीप क्षेत्री २० रनमा र दीपक डुम्रे १८ रनमा आउट भए । बलिङमा सुबाश खत्रीले ४ ओभरमा २२ रन खर्चेर ३ विकेट लिए । यस्तै रिजन ढकाल र रामनरेश गिरीले समान २ विकेट आफ्नो नाममा लेखाए । बागमतीका आशुषतोष गिरहियो प्लेयर अफ दी म्याच घोषित भए ।
यो जितमा दुई खेलपछि बागमतीले अंकको खाता खोल्दै २ अंक जोड्यो। बागमती हिजो पहिलो खेलमा मधेश प्रदेशसँग हारेको थियो । गण्डकी भने दुई खेलपछि पनि अंक विहिन छ । मंगलबार गण्डकी लुम्बिनीसँग स्तब्ध भएको थियो । प्रतियोगितामा बिहीबार दुई खेल हुनेछन् । कर्णाली र लुम्बिनी तथा दोस्रो खेलमा मधेश र गण्डकीबीच खेल हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]