2 weeks ago
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो।
८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले २९ बलको सामना गर्दै ७ चौका र एक छक्का सहित नटआउट ५१ रन जोडे। मृनाल गुरूङले १३ रन बनाउँदा विराट भण्डारी नटआउट १० रनमा रहे। कर्णालीका दिवान पुनले २ विकेट लिए।
माथिल्लो मुलपानी मैदानमा त्यसअघि कर्णालीले टस जितेर पहिले ब्याटिङ रोज्यो। जहाँ कर्णाली १६.४ ओभरमा सबै विकेट गुमाउँदै मात्र ८१ रनमा मात्र बनाउन सक्यो।
खराब सुरूवात गरेको कर्णालीका पहिलो क्रमका चार ब्याटरले दोहोरो रन छुन सकेनन्। विपिन रावल शुन्य र विपिन शाही १ रनमा आउट हुँदा मात्र २ रनको स्थितिमा कर्णालीको २ विकेट झरिसकेको थियो।
लगत्तै रविन्द्र शाही ५ र हिमान्सु शाही पनि २ रनमा पबिलियन फर्किए। यसरी कर्णालीको पहिलो क्रमका ब्याटर कमजोर बन्दा ४ विकेटको क्षतिमा ३३ रन मात्र बनेको थियो।
यसपछि इनिङस सम्हाल्ने पारी कसैले पनि खेल्न सकेनन्। अर्जुन घर्तीले २८, कप्तान दिवान पुनले १२ र दीपेन्द्र रावतले ११ रन जोडे। यी तीन बाहेक अन्य कुनेपनि खेलाडीले दोहोरो रन छुन सकेनन्।
बलिङमा लुम्बिनीका कप्तान देव , अभिषेक गौतम र वीर मगरले समान २ विकेट लिए। यस्तै निर्मल गुरूङ, कृष्ण कार्की र नर सार्कीले १/१ विकेट झारे। देव प्लेयर अफ दि म्याच चुनिए।
३ खेलमा लुम्बिनीको यो दोस्रो जित हो। पहिलो खेलमा लुम्बिनीले गण्डकीलाई ७ विकेटले हराउँदा हिजो मधेशसँग २७ रनले हारेको थियो।
२ जितमा लुम्बिनीले ४ अंक बनाएको छ। कर्णाली भने पहिलो खेलमा पराजित भएको हो। आजै गण्डकी र मधेश प्रदेशबीचको खेल हुनेछ।
April 30, 2024
एजेन्सी – इंडियन प्रिमियर लिग (आइपिएल) मा मंगलबार लखनऊ सुपर जाएन्ट्स विजयी भएको छ । घरेलु मैदानमा भएको खेलमा लखनऊले मुम्बई इंडियन्स माथि ४ विकेटको जित दर्ता गरेको हो । मुम्बईले दिएको १ सय ४५ रनको लक्ष्य लखनऊले १९.२ ओभरमा ६ विकेट गुमाएर भेटायो । अन्तिम तिर लखनऊका लागि केही कठिन देखिएको खेलमा मुम्बईले राम्रो […]
April 30, 2024
काठमाडौँ (हाम्रो खेलकुद) – अनुभवी ब्याटर केन विलियमसनको कप्तानीमा न्युजिल्याण्डले वेस्ट इन्डिज र अमेरिकामा हुने आगामी आइसीसी टि-२० विश्वकपका लागि आफ्नो स्क्वाड सार्वजनिक गरेको छ । न्युजिल्याण्डले अनुभवी टोली समीकरण बनाउँदै १५-सदस्सिय टोली सार्वजनिक गरेको हो । अनुभवी टोलीमा विलियमसन सहित फास्ट बलिङ द्वय टिम साउदी र ट्रेन्ट बोल्ट समावेश छन् । यो विलियम्सनको लागि […]
April 30, 2024
काठमाडौँ (हाम्रो खेलकुद) – साविक विजेता इंग्ल्याण्डले उपाधि रक्षाको लक्ष्यका साथि आगामी आइसीसी टि-२० विश्वकपका लागि टोलीको घोषणा गरेको छ । दुई पटकको विजेता इंग्ल्याण्डले कप्तान जोस बटलरको कप्तानीमा १५ सदस्सिय टोली सार्वजनिक गरेको हो । धेरै समय मैदान बाहिर समय बिताएका तीब्र गतिका बलर जोफ्रा आर्चरलाई टोलीमा समावेश गरिएको छ । उनले एक वर्षभन्दा […]