default_image

1 month ago

April 20, 2024

सुदूरपश्चिमको पहिलो जित, गण्डकी पराजित

443 views

0 Bookmark

काठमाडौं (हाम्रो खेलकुद) –सुदूर पश्चिमप्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमा पहिलो जित हासिल गरेको छ।

सुदूरले गण्डकी प्रदेशलाई ९ विकेटको फराकिलो अन्तरमा हराउँदै अंकको खाता खोलेको हो। सुदूरको जितमा अभिषेक पालले ४९ रन जोडे। उनी अर्धशतकबाट मात्र १ रनले चुके।

जितको लागि १ सय १८ रनको सहज विजय लक्ष्य सुदरले १९ ओभरमा मात्र १ विकेट गुमाएर पूरा गर्यो। ओपनर अभिषेक राई र राजु रिजालले पहिलो विकेटको लागि ७४ रनको साझेदारी गर्दै सुदुरको जितलाई सहज बनाए।

यो क्रममा अभिषेकले ४६ बलको सामना गर्दै ४ चौका र १ छक्का सहित टिमको लागि सर्वाधिक ४९ रन बनाए र रनआउट हुन पुगे। यसपछि राजु र वसन्त कार्कीले सुदुरलाई जिततर्फ डोर्याए। वसन्तले २७ बल खेल्दै ४ चौका र १ छक्का सहित ३७ र राजुले २९ रनमा नटआउट रहे। गण्डकीका कुनैपनि खेलाडीले विकेट लिन सकेनन्।

त्यसअघि माथिल्लो मुलपानी मैदानमा पहिले ब्याटिङ गरेको गण्डकी १८.३ ओभर सबै विकेट गुमाउँदै १ सय १७ रनमा समेटियो।

पहिलो क्रमका ३ ब्याटरले दोहोरो रन छुन नसक्दा गण्डकीले फितलो सुरूवात गर्यो। इश्वर क्षेत्री र दीपक डुम्रे ५/५ रनमा र अर्जुन कुमाल ३ रनमा आउट भए। यतिखेर गण्डकीले १९ रन बनाएको थियो।

कप्तान विपिन खत्रीले‌ सर्वाधिक ३० र रोशन गौतमले २८ रन बनाए। यस्तै दिनेश बुढामगर र करण पंगेनीले १५/१५ रन जोडे। यी चार बाहेक अन्यले दोहोरो रन छुन सकेनन्। बलिङमा नारायण जोशी, शेर मल्ल र नरेन भट्टले समान २ विकेट लिए।

२ खेल खेलेको सुदूरको यो पहिलो जित हो र २ अंक बनाएको छ। गण्डकी प्रदेशको भने यो तेस्रो हार हो। ४ खेल खेलेको गण्डकीले मात्र एक खेल जितेको छ।

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

Success

Thank you for your time.