default_image

1 month ago

May 25, 2024

आईपिएल उपाधिका लागि हैदराबादले कोलकत्ताको सामना गर्ने

2512 views

0 Bookmark

एजेन्सी – इंडियन प्रिमियर लिग (आईपिएल) को १७औं संस्करणको उपाधिका लागि सनराईजर्स हैदराबाद र कोलकत्ता नाईट राइडर्स भिड्ने भएका छन् । शुक्रवार भएको दोस्रो क्वालिफायरमा हैदरावादले राजस्थान रोयल्सलाई ३६ रनले पराजित गरेसँगै कोलकत्ताको प्रतिद्वन्दी टुंगो लागेको हो ।

चेन्नाईमा टस हारेर ब्याटिङ गरेको हैदराबादले निर्धारित २० ओभरमा ९ विकेट गुमाएर १७५ रन बनाएको थियो । हैदराबादका लागि हेनरिक क्लासनले ३४ बलमा ४ छक्का प्रहार गर्दै सर्वाधिक ५० रन बनाएका थिए । राहुल त्रिपाठीले १५ बलमा ५ चौका र २ छक्का सहित ३७ रनको विष्फोटक इनिङ खेले भने ट्राभिस हेडले २८ बलमा ३४ रन बनाए । शाहबाज अहमदले १८ तथा अभिषेक शर्माले १२ रन जोडे ।

राजस्थानका लागि ट्रेन्ट बोल्ट र आवेश खानले ३-३ विकेट लिए भने सन्दिप शर्माले २ विकेट लिए ।

जवाफमा राजस्थानले २० ओभरमा ७ विकेटको क्षतिमा १३९ रन मात्र बनाउन सक्यो । राजस्थानका लागि ध्रुव जुरेलले ३५ बलमा ७ चौका र २ छक्का सहित सर्वाधिक ५६ रन बनाए । ओपनर यशस्वी जैसवालले २१ बलमा ४ चौका र ३ छक्का प्रहार गर्दै ४२ रन जोडे । अन्य ब्याटर भने चल्न सकेनन् ।

हैदराबादका लागि शाहबाज अहमदले ३ तथा अभिषेक शर्माले २ विकेट लिए । प्याट कमिन्स र नटराजनले १-१ विकेट लिए ।

कोलकत्ता पहिलो क्वालिफायरमा हैदराबादलाई हराउँदै फाइनल प्रवेश गरेको थियो । हैदराबादले पाएको दोस्रो मौकामा फाइनल प्रवेश गरेको हो । राजस्थानले भने क्वालिफायर २ मा पुग्न इलिमिनेटरन बेंगलूरु माथि जित दर्ता गर्नु परेको थियो ।

फाइनल चेन्नाईमा आउँदो आईतवार हुँदैछ । कोलकत्ता दुई पटकको विजेता हो भने हैदरावादले आईपिएलको उपाधि एकपटक जितेको छ ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.