default_image

3 weeks ago

June 4, 2024

नेपाललाई खतरा बन्न सक्ने ३ डच खेलाडी

7643 views

0 Bookmark

सुबास हुमागाईं, डालास

आइसीसी टि२० विश्वकप २०२४ अन्तर्गत समूह चरणको पहिलो खेलमा मंगलबार नेपाल र नेदरल्यान्ड्स भिड्दैछन् । खेल नेपाली समयअनुसार रातको ९:१५ बजे ग्रान्ड प्रेरी रंगशालामा सुरु हुनेछ ।

नेपाल र नेदरल्यान्ड्सले केही महिनाअघि मात्र नेपालमा सम्पन्न सिरिजमा खेलेका थिए । त्यसबेला भने डच टोलीमा केही मुख्य खेलाडी अनुपस्थित थिए । नेपालले लिग चरणमा एक खेल जित्दा नेदरल्यान्ड्सले लिगको एक र फाइनल खेल पनि जितेको थियो ।

उक्त टोलीमा केही मुख्य खेलाडी थप्दै नेदरल्यान्ड्स पनि यस विश्वकपको पहिलो खेलमा नेपालको सामना गर्दैछ । यसपटक नेपालका लागि खतरा बन्न सक्ने खेलाडी यसप्रकार छन् :

१. म्याक्स ओ’डाउड

ओपनर म्याक्स आक्रामक ब्याटिङका लागि परिचित छन् । विश्वकपका लागि तयारीस्वरूप आयोजना गरिएको त्रिकोणात्मक सिरिजमा म्याक्सले आयरल्यान्ड र स्कटल्यान्डविरुद्ध राम्रो प्रदर्शन गरेका थिए ।

म्याक्सले हालसम्म टि२०आईमा १ शतक सहित १७ सय ७४ रन जोडेका छन् । २९ को औसतमा रन जोड्ने उनले १ सय २१ को स्ट्राइक रेटमा रन बनाउँदै आएका छन् । म्याक्सले आवश्यक पर्दा अफ स्पिन बलिङ पनि गर्छन् ।

२. बास डे लिड

अलराउन्डर बास डे लिड आधुनिक क्रिकेटमा हरेक टोलीले चाहने अलराउन्ड भूमिका निर्वाह गर्ने खेलाडी हुन् । तीव्र गतिमा बलिङ गर्ने उनले शीर्षक्रममा पनि ब्याटिङ गर्न सक्छन् । दुवै भूमिकामा राम्रो प्रदर्शन गर्दै आएका उनी डरहमबाट काउन्टी क्रिकेट खेल्छन् ।

३० को औसतमा ६ सय ७७ रन बनाएका उनले बलिङतर्फ पनि १७ को औसतमा ३० विकेट हात पारेका छन् । उनले ३१ इनिङमा ४ अर्धशतक बनाइसकेका छन् ।

१. पल भान मीकरेन

तीव्र गतिका बलर पल भान मिकरेनलाई नेपालबारे राम्रोसँग थाहा छ । पछिल्लो नेपाल भ्रमण गुमाएपनि उनले नेपालको घरेलु लिगकै अनुभव बोकेका छन् । यसबाहेक उनले पटक पटक नेपालविरुद्ध डच टोलीको लागि खेलेका छन् ।

यसपटक टोलीको मुख्य बलरको भूमिकामा उनीमाथि अझ जिम्मेवारी छ । हालसम्म ६१ खेलमा २० को औसतमा ६९ विकेट निकालेका उनी नेपाली ओपनरका लागि घातक हुन सक्छन् । डेथ ओभर र पावरप्लेमा बलिङ गर्ने भएपनि उनको करिअर इकोनोमी ७.०२ मात्र छ ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.