default_image

1 month ago

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

1605 views

0 Bookmark

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ ।

आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो ।

गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको थियो । सो नतिजापछि सुपर एट पुग्न इङ्ल्यान्डका लागि अष्ट्रेलियाको जित आवश्यक थियो । अन्तिम ओभरसम्म पुगेको खेलमा अष्ट्रेलियाले हासिल गर्यो ।

अष्ट्रेलियाले समूह ‘बी’मा सबै ४ खेल जित्दै शीर्ष स्थानमा रह्यो । इङ्ल्यान्ड र स्कटल्यान्ड दुवैको ५-५ अंक भए पनि इङ्ल्यान्ड नेट रन रेटमा अघि रहँदै दोस्रो चरणमा प्रवेश गर्यो ।

स्कटल्यान्डले दिएको १ सय ८१ रनको लक्ष्य अष्ट्रेलियाले २ बल बाँकी छँदा पूरा गरेको थियो । अष्ट्रेलियाको जितमा ट्राभिस हेडले ४९ बलमा ५ चौका र ४ छक्का सहित सर्वाधिक ६८ रन बनाए ।

मार्कस स्टोईन्सले २९ बलमा ९ चौका र २ छक्का सहित ५९ रन जोडे । टिम डेविड २४ रनमा अविजित रहे ।स्कटल्यान्डका मार्क वाट र सफ्यान शरिफले २-२ विकेट लिए ।

त्यसअघि टस हारेर ब्याटिङ गरेको स्कटल्यान्डले ५ विकेटको क्षतिमा १ सय ८० रन बनाएको थियो । स्कटल्यान्डका ब्रेन्डन मकमलनले ३० बलमा सर्वाधिक ६० रन बनाए ।

रिचि बेरिङटनले ४२ तथा जर्ज मुन्सीले ३५ रन जोडे ।अष्ट्रेलियाका लागि ग्लेन म्याक्सवेलले २ तथा एस्टन एगर, नेथन एलिस र एडम जाम्पाले १-१ विकेट लिए ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.