एजेन्सी – पाँच टि-ट्वान्टी खेलका लागि जिम्बाब्वे पुगेको भारतीय क्रिकेट टोली पहिलो खेलमा पराजित भएको छ । हरारेमा भएको पहिलो खेलमा भारत घरेलु टोलीसँग १३ रनले पराजित भएको हो ।

जिम्बाब्वेले दिएको १ सय १६ रनको सामान्य लक्ष्य पछ्याएको भारत १९.५ ओभरमा १ सय २ रनमा समेटियो ।

भारतका लागि कप्तान शुभमन गिलले २९ बलमा ५ चौका सहित सर्वाधिक ३१ रन बनाए। गस्ती वाशिंटन सुन्दरले २७ र आभेस खानले १६ रन जोडे । अन्य ब्याटरले भने दोहोरो अङ्क छुन सकेनन् ।

जिम्बाब्वेका लागि कप्तान सिकन्दर राजा र टेन्डाई चटाराले समान ३ विकेट लिए । ब्रायन बेनेट, वेलिङटन मसाकाड्जा, ब्लेसिङ मुजराबानी र लुक जोङवेले समान १ विकेट लिए ।

त्यसअघि टस हारेर ब्याटिङ गरेको घरेलु टोलीमा जिम्बाब्वेले २० ओभरमा ९ विकेटको क्षतिमा १ सय १९ रन बनाएको थियो । जिम्बाब्वेका लागि क्लाइभ मडान्डेले २९, डियन मायर्सले २३, ब्रायन बेनेटले २२ र वेस्ली मधेभेरेले २१ रन बनाएका थिए ।

भारतका लागि रभी बिश्नोईले ४ विकेट लिए भने वाशिंटन सुन्दरले २ विकेट लिए । मुकेश कुमार र आभेस खानले समान १ विकेट लिए ।

शृंखलाको दोस्रो खेल आइतबार हुनेछ । हालैमात्र टि-ट्वान्टी विश्वकप जितेको भारतीय टोलीले युवा खेलाडी सम्मिलित टोलीलाई जिम्बाब्वे पठाएको छ ।