1 year ago
October 2, 2024
एजेन्सी – पाकिस्तानका ओडिआई तथा टि ट्वान्टी टोलीका कप्तान बाबर आजमले कप्तानीबाट राजीनामा दिएका छन् ।
आफ्नो कामको बोझ कम गर्न र आफ्नो ब्याटिङमा ध्यान केन्द्रित गर्न चाहेको भन्दै एक वर्षभन्दा कम समयमा बाबरले दोस्रो पटक कप्तानबाट राजीनामा दिएका छन् ।
सामाजिक संजालमार्फत पोस्ट लेख्दै बाबरले राजिनामाको घोषणा गरेका हुन् । ‘मैले आफ्नो प्रदर्शनलाई प्राथमिकता दिन, ब्याटिङमा बिशेष ध्यान दिन तथा परिवारसँग क्वालिटी टाइम बिताउनका लागि गत महिना कप्तानी छोड्ने आफ्नो निर्णयबारे पीसीबीलाई जानकारी गराएको थिएँ,’ बाबरले पोस्टमा लेखेका छन्।
उनले अगाडि भनेका छन् ‘मैले पाकिस्तान पुरुष क्रिकेट टोलीको कप्तान पदबाट राजीनामा दिने निर्णय गरेको छु । यो टोलीको नेतृत्व गर्न पाउनु सम्मानको कुरा हो, तर अब मैले राजीनामा दिने र आफ्नो भूमिकामा ध्यान केन्द्रित गर्ने समय आएको छ ।’
बाबरले ओडिआई र टि ट्वान्टी टोलीको कप्तानमा पुनः नियुक्त भएको करिब ६ महिनापछि राजीनामा दिएका हुन् । गत वर्षको अन्त्यमा भारतमा भएको एकदिवसीय विश्वकपमा पाकिस्तानको निराशाजनक प्रदर्शनपछि सबै फर्म्याटको कप्तानीबाट राजीनामा दिएका थिए ।
तर, बाबर ४ महिनापछि फेरि एक पटक टि ट्वान्टी र ओडिआई टोलीको कप्तान नियुक्त भएका थिए ।
बाबरले दिएको राजीनामाबारे पिसीबीबाट कुनै प्रतिक्रिया आएको छैन । पाकिस्तानले अर्को महिना अस्ट्रेलियामा ३ टी ट्वान्टी र ३ ओडिआई खेल खेल्नेछ ।
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]