अन्तर कलेज इन्डोर क्रिकेटमा कौस्तुभको फराकिलो जित

काठमाडौं (हाम्रो खेलकुद) – अल्टिमेट इन्डोर्स प्रा.लि. र पाण्डा इभेन्ट्सको आयोजनामा सुरु भएको अन्तर कलेज सुपर इन्डोर क्रिकेटमा आज पहिलो दिन समुह चरणका छ खेल सम्पन्न भएका छन् ।

पहिलो खेलमा काठमाडौं कलेज अफ म्यानेजमेन्टले नोभा कलेजलाई ४१ रनले हराएको छ भने दोस्रो खेलमा पेन्टागन कलेजले राजश्री जनक कलेजमाथि ७३ रनले जित प्राप्त गरेको छ ।

प्रतियोगितको तेस्रो खेलमा काठमाडौं कलेज अफ म्यानेजमेन्टले नागार्जुन कलेजलाई ३० रनले हरायो । चौथो खेलमा कौस्तुभ कलेजले हिमालयन व्हाइट हाउस कलेजलाई फराकिलो अन्तरले पाखा लगायो । १ सय २ रनको फराकिलो अन्तरले जितेको कौस्तुभ कलेजका प्रकाश बिष्ट म्यान अफ द म्याच भए ।

त्यस्तै अन्य खेलहरुमा त्रिभुवन विश्वविद्यालय चिकित्सा शास्त्रले सिल्क रोड कलेजलाई ३० रनलाई हरायो भने अन्तिम खेलमा व्हाइट हाउस कलेज कसमोस कलेजसँङ पराजित भयो ।