इन्डोर क्रिकेटमा कौस्तुभ र पेन्टागनको लगतार दोस्रो जित

काठमाडौं (हाम्रो खेलकुद) – अन्तर कलेज सुपर इन्डोर क्रिकेटको दोस्रो दिन पनि समुह चरणमा कौस्तुभ कलेज र पेन्टागन कलेजको दबदबा कायम रह्यो ।

‘म्यान अफ द म्याच’ कौस्तुभ कलेजका सोमेस यादव

पहिलो दिन १०२ रनको फराकिलो अन्तरको जित निकालेको कौस्तुभ कलेजले दोस्रो दिन कसमोस कलेजलाई ६० रनले हरायो । ब्याटिङमा २७ रन २ बलिङम २ विकेट लिएका कौस्तुभ कलेजको सोमेस यादव ‘म्यान अफ द म्याच’ भए । त्यस्तै पहिलो खेलामा ७३ रनको बिजय नतिजा निकालेको पेन्टागनले दोस्रो दिन हिमालयन कलेज अफ ईन्जिनियरिङ्लाई १ सय ४४ रनले हरायो ।

अन्य खेलहरुमा ट्रीटोन, नोभा कलेज र त्रिभुवन विश्वविद्यालय चिकित्सा शास्त्रले जित हासिल गरे । सिल्क रोड कलेजलाई ४४ रनले हराएको ट्रीटोनको यो पहिलो खेल हो भने पहिलो दिन पराजय भोगेको नोभा कलेजले दोस्रो खेलमा नागार्जुन कलेजलाई ५३ रनले हराएको हो । नागार्जुनको यो लगातार दोस्रो हार हो ।