default_image

5 months ago

November 28, 2024

क्यानडाका अलराउन्डर ठाकरले जनकपुरबाट एनपिएल खेल्ने

618 views

0 Bookmark

काठमाडौं(हाम्रो खेलकुद) – क्यानडाका अलराउन्डर हर्ष ठाकरले जनकपुर बोल्ट्सबाट सिद्धार्थ बैंक नेपाल प्रिमियर लिग (एनपिएल) को पहिलो संस्करण खेल्ने भएका छन् ।

जनकपुरले विदेशी खेलाडीको रुपमा क्यानडाका अलराउन्डर ठाकरलाई टोलीमा अनुबन्ध गरेको बिहीवार सामाजिक संजालमार्फत जनाएको छ ।

२७ वर्षिय ठाकरले ३५ टि ट्वान्टी आई खेलमा २९ विकेट तथा ४ सय ५१ रन बनाएका छन् । जनकपुरले यसअघि न्युजिल्याण्डका जिमी निशम, अमेरिकाका जोशुवा ट्रम्प, अमेरिकाका मोहम्मद मोहसिन, अर्का अमेरिकी क्रिकेटर लाहिरु मिलन्था, पाकिस्तानका अलराउन्डर सोयब मक्सुद र इङ्ग्लिस अलराउन्डर बेन माइकलाई अनुबन्ध गरेको थियो ।

नेपाली राष्ट्रिय क्रिकेट टोलीका विकेटकिपर ब्याटर आसिफ शेख मार्की खेलाडी रहेको जनकपुरमा पुबुदु दासानायके मुख्य प्रशिक्षकको जिम्मेवारीमा छन् ।

नेपाल क्रिकेट संघ (क्यान) को आयोजनामा शनिवार देखि पुस ६ गतेसम्म हुने एनपिएलमा ८ टोलीले प्रतिस्पर्धा गर्नेछन् । उद्घाटनको दिन नै जनकपुरले विराटनगर किङ्सको सामना गर्नेछ ।

जनकपुर बोल्ट्सको टोली – आसिफ शेख, अनिलकुमार शाह, ललितनारायण राजवंशी, रुपेश सिंह, अरनिको यादव, शुभ कशांकार, तुल बहादुर थापा, किशोर महतो, शेर मल्ल, हेमन्त धामी, आकाश त्रिपाटी, जिमी निशम, जोशुवा ट्रम्प, मोहम्मद मोहसिन, लाहिरु मिलन्था, सोयब मक्सद, बेन माइक र हर्ष ठाकर।

April 20, 2025

मुम्बईले टस जित्यो

एजेन्सी – मुम्बई इण्डियन्सले इन्डियन प्रिमियर लिग (आइपिएल) मा चेन्नई सुपर किङ्ससँगको खेलमा टस जितेको छ।मुम्बईले टस जितेर फिल्डिङ रोजेको छ। आइपिएलका दुई सफल टोलीको यस पटकको प्रदर्शन भने सन्तोषजनक छैन। ४ अंकसहित मुम्बई सातौं र चेन्नई नवौ स्थानमा छ।

April 20, 2025

आरसिबीसँग पन्जाबको हार

एजेन्सी – रोयल च्यालेन्जर्स बैंगलुरु (आरसिबी) लेइण्डियन प्रिमियर लिग (आइपिएल) मा आज पन्जाब किंग्सलाई ८ विकेटले हराएको छ। दुई दिन अघि पन्जाबले आरसिबीलाई‌ हराएको थियो। आज १ सय ५८ रनको लक्ष्य पछ्याएको आरसिबीले ७ बल बाँकी रहँदै ३ विकेट गुमाएर जित निकालेको छ।विराट कोहली र देवदत्त पडिकलले अर्धशतक बनाए ।कोहलीले नटआउट ७४ रनको योगदान गरे। देवदत्तले […]

April 20, 2025

आरसिबीलाई सामान्य लक्ष्य

एजेन्सी – इण्डियन प्रिमियर लिग (आइपिएल) मा पन्जाब सुपर किंग्सले रोयल च्यालेन्जर्स बैंगलुरु (आरसिबी) लाई जितको लागि १ सय ५८ रनको चुनौति दिएको छ। रोयल च्यालेन्जर्सले टस जितेर पहिले फिल्डिङ रोज्यो। पहिले ब्याटिङ गरेको पन्जाबले २० ओभरमा ६ विकेट गुमाउँदै १ सय ५७ रनको योगफल बनायो। प्राभसिम्रन सिंहले सर्वाधिक ३३ रन बनाउँदा सशांक सिंहले अविजित […]

Success

Thank you for your time.