काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को आठौं दिनको पहिलो खेलमा जनकपुर बोल्ट्सविरुद्ध लुम्बिनी लायन्सले टस जितेको छ ।

टियु क्रिकेट मैदानमा लुम्बिनीका कप्तान रोहितकुमार पौडेलले टस जितेर बलिङ रोजेका हुन् ।

लुम्बिनीले सुरुवाती ३ खेलमा हार बेहोरेर दबाबमा छ। आजको खेलमा गुमाएमा लुम्बिनीको प्लेअफ सम्भावना कठिन बन्नेछ । लुम्बिनी विराटनगर किंग्स, पोखरा एभेन्जर्स र सुदूरपश्चिम रोयल्ससँग पराजित भएको थियो ।

जनकपुर लगातार चौथो जित निकाल्दै प्लेअफ सम्भावना थप बलियो बनाउन चाहान्छ । जनकपुरले विराटनगर, कर्णाली याक्स र पोखरालाई पराजित गरेको थियो ।

शनिवार सुदूरपश्चिम रोयल्ससँग खेलको टिममा ३ परिवर्तन गरेको छ । शनिवार खेलेका सुर्य तामाङ, दिनेश अधिकारी र उन्मुक्त चन्द बेन्चमा रहँदा आशुतोष घिरैया, अविषेश गौलम र बेन कटिङले मौका पाएका छन् ।

लुम्बिनी लायन्सको प्लेइङ–११

रोहित पौडेल, सन्दीप जोरा, विवेक यादव, आशुतोष घिरैया, अविषेश गौतम, अर्जुन साउद, दुर्गेश गुप्ता, टम मुर्स, बेन कटिङ, साद वीन जाफर र रेमन सिमोन्डस

बिहीवार पोखरा एभेन्जर्स विरुद्ध खेलेको टिममा १ परिवर्तन भएको छ । तुल बहादुर थापा मगरको स्थानमा शेर मल्लले मौका पाएका छन् ।

जनकपुर बोल्ट्सको प्लेईङ-११

अनिल शाह, आसिफ शेख, लाहिरु मिलान्था, हर्ष ठाकर, जेमी निशम, शुभ कसांकार, मोहम्मद मोहसिन, शेर मल्ल, हेमन्त धामी, किशोर महतो र ललित राजवंशी