काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को आठौं दिनको दोस्रो खेलमा सुदूरपश्चिम रोयल्सविरुद्ध चितवन राइनोजले टस जितेको छ ।

टियु क्रिकेट मैदानमा भएको टसमा चितवनका कप्तान कुशल मल्लले टस जितेर ब्याटिङ राजेका हुन् ।

सुदूरपश्चिमले खेलेका ३ खेल नै जितेको छ । चितवनले ३ मध्ये २ मा जित र अर्कोमा हार बेहोरेको छ।

सुदूरपश्चिमले शनिवार लुम्बिनी लायन्ससँग खेलेको टोलीमा १ परिवर्तन गरेको छ । विदेशी खेलाडी दिलप्रित बाज्वाले एनपिएल डेब्यु गर्दा बसन्त खत्रीलाई बेन्चमा रहेका छन् ।

सुदूरपश्चिम रोयल्स प्लेईङ-११

दीपेन्द्रसिंह ऐरी, दिलप्रित बाज्वा, विनोद भन्डारी(विकेटकिपर), ब्रेन्डन मक्मेलन, सेफ जेब, आरिफ शेख, इशान पान्डे, स्कट कुगेलेन, नरेन साउद, अभिनाष बोहोरा र नरेश बुढाऐर

चितवनले शुक्रबार कर्णाली याक्सविरुद्ध खेलेको टिम २ परिवर्तन गरेको छ । चितवनले ल्युक बेनकेनस्टेन र शरद भेषवाकरलाई बेन्चमा राखेको छ । रञ्जित कुमार हसन इसाखिललाई खेलमा मौका दिइएको छ ।

चितवन राइनाेजको प्लेईङ-११

कुशल मल्ल, रञ्जित कुमार, रवि बोपारा, जान निकोल लफ्टी इटन, हसन इसाखिल, रिजन ढकाल, विपिन रावल(विकेटकिपर), दिपक बोहोरा, अमरसिंह राउटेला, सन्तोष कार्की, सोहेल तन्भिर