काठमाडौं (हाम्रो खेलकुद) – सिद्धार्थ बैंक नेपाल प्रिमियर लिग (एनपिएल) मा बुधवारको पहिलो खेलमा सुदूरपश्चिम रोयल्सविरुद्ध जनकपुर बोल्ट्सले टस जितेको छ ।

टियु क्रिकेट मैदानमा टस जितेर जनकपुरका कप्तान अनिल कुमार शाहले बलिङ रोजेका छन् ।

यो खेलमा पनि जित निकालेर लिग चरणको दुई खेल अगावै प्लेअफमा स्थान सुरक्षित गर्ने लक्ष्यमा जनकपुर रहेको छ । जनकपुरले विराटनगर, कर्णाली याक्स, लुम्बिनी र पोखरालाई पराजित गरेको थियो ।

४ खेल खेल्दै ३ जित र १ हारका साथ सुदूरपश्चिम दोस्रो स्थानमा छ । यो खेलमा जित निकाल्दै प्लेअफ सम्भावना बलियो बनाउँनुको साथै शीर्ष स्थानमा उक्लिने लक्ष्यमा सुदूरपश्चिम रहेको छ ।

सुदूरपश्चिमले पहिलो खेलमा विराटनगर, दोस्रोमा काठमाडौं गुर्खाज र तेस्रो खेलमा लुम्बिनीलाई पराजित गरेको थियो । पछिल्लो खेलमा भने चितवन राइनोजसँग हार बेहोरेको थियो ।

आइतवार चितवन राइनोजसँग खेलेको टिममा सुदूरपश्चिमले १ परिवर्तन गरेको छ । सुदूरपश्चिमका विदेशी खेलाडी दिलप्रित बाज्वाको स्थानमा हर्मित सिंहले मौका पाएका छन् । सिंहको यो एनपिएल डेब्यु खेल हो ।

सुदूरपश्चिम रोयल्सको प्लेइङ-११

दीपेन्द्रसिंह ऐरी, हर्मित सिंह, विनोद भन्डारी(विकेटकिपर), ब्रेन्डन मक्मेलन, सेफ जेब, आरिफ शेख, इशान पान्डे, स्कट कुगेलेन, नरेन साउद, अभिनाष बोहोरा र नरेश बुढाऐर।

आइतवार लुम्बिनी लायन्ससँग खेलेको जनकपुरको टोलीमा २ परिवर्तन भएको छ । जनकपुरका हेमन्त धामी र मोहम्मद मोहसिन बेन्चमा रहँदा जोशुवा ट्रम्प र अरनिको यादवले खेलमा मौका पाएका छन् । ट्रम्पको यो एनपिएल डेब्यु खेल हो ।

जनकपुर बोल्ट्सको प्लेइङ-११

अनिल शाह(कप्तान), आसिफ शेख, लाहिरु मिलान्था(विकेटकिपर), हर्ष ठाकर, जेमी निशम, शुभ कसांकार, जोशुवा ट्रम्प, शेर मल्ल, अरनिको यादव, किशोर महतो र ललित राजवंशी।