कर्पोरेट क्ल्यास २०१७ आयोजना हुने

काठमाडौँ (हाम्रो खेलकुद) – रोयल केसीटिसी (काठमाडौँ क्रिकेट ट्रेनिंग सेन्टर)को आयोजनामा यहि फेब्रुअरी २४ देखि मार्च ५ सम्म कर्पोरेट क्ल्यास २०१७ आयोजना हुने भएको छ।

१३ टोलीको सहभागिता रहने प्रतियोगिताका सबै खेल गल्फुटार स्थित रोयल केसीटिसी इन्डोरमा हुनेछ। आज भएको समुह विभाजन कार्यक्रममा सहभागी १३ टोलीलाई ३ समुहमा विभाजन गरिएको थियो।

समुह एमा ५ टोली रहेका छन् भने बि र सीमा ४/४ टोली रहने छन्। समुह ए का शिर्ष दुई टोली सेमिफाइनलमा पुग्ने छन् भने बि र सीका शिर्ष टोली सेमीफाइनलमा खेल्नेछन्।

प्रतियोगितालाई हिमालयन टोलिभिजनको साथ रहेको छ भने को-स्पोनसरको रुपमा नागरिक र मेगा बैंक रहेका छन्। कार्यक्रममा सहभागी टोलीहरुले खेल दौरान लगाउने जर्सी पनि हस्तान्तरण गरिएको थियो।