हिमाल खरेल,मेचीनगर

झापाको मेचीनगर–४ बाहुनडाँगीमा जारी इन्डो–नेपाल टिट्वान्टी क्रिकेट प्रतियोगितामा आदर्श युवा क्लब बुधबारेलाई ४ विकेटले पराजित गर्दै आयोजक बाहुनडाँगी युवा क्लब सेमिफाइनल प्रवेश गरेको छ ।

सरस्वती माविको खेल मैदानमा टस जितेर पहिलो ब्याटिङ गरेको बुधबारेले १६.३ ओभरमा सबै विकेट गुमाउँदै ७२ रन बनाएको थियोे ।

बुधबारेका लागि रिजन लिम्बू र अर्पण कार्कीले सर्वाधिक समान २१ रन बनाएका थिए । रिजन र अर्पणले समान २० बल खेल्दै २१ रन बनाएका थिए । अन्य ब्याटरले दोहोरो अंकमा रन बनाउन सकेनन् ।

बलिङतर्फ बाहुनडाँगीका लागि सन्तोष प्रधान र नाजिर हुसेनले समान ३ ,अभिषेक दाहाल र रमण कार्कीले समान २ विकेट हात पारे ।

७३ रनको विजयी लक्ष्य पछ्याउने क्रममा बाहुनडाँगीले १६.२ ओभरमा ६ विकेट गुमाउँदै जित निकाल्न सफल भयो ।

बाहुनडाँगीका लागि रोमन कार्कीले ३८ बलमा ५ चौकाको मद्दतमा २८ रन बनाए । गणेश पौडेलले ७ बलमा १६ रन बनाएका थिए ।

बलिङतर्फ बुधबारेका लागि रिजन लिम्बूले सर्वाधिक २ विकेट लिए भने टेकेन्द्र कार्की, अर्जुज बराइली, मन्दिप खरेल र मिरोज सिटौलाले समान १ विकेट हात पार्न सफल भए ।

बाहुनडाँगीका रोमन कार्की प्लेयर अफ द म्याच भए । उनले नगद १ हजार र मायाको चिनो प्राप्त गरे । रोमन ३ विकेट लिएका थिए भने सर्वाधिक २८ रन प्रहार गरेका थिए ।

प्रतियोगिताको विजेतसले ५० र दोस्रो टोलीले ३० हजार, ट्रफी, मेडल र प्रमाणपत्र प्राप्त गर्नेछ ।