एजेन्सी – इण्डियन प्रिमियर लिग (आइपिएल) मा आज राजस्थान रोयल्सले पन्जाब किंग्सलाई २ सय ६ रनको चुनौति दिएको छ।

महाराजा यादविन्द्र सिंह अन्तर्राष्ट्रिय क्रिकेट स्टेडियममा आइपिएलमा अहिलेसम्म २ सय रन कुनैपनि टोलीले कटाउन सकेका थिएन ।

पन्जाबले टस जितेर फिल्डिङ रोज्यो। पहिले ब्याटिङ गरेको राजस्थानले २० ओभरमा ४ विकेट गुमाउँदै २०५ रन जोड्यो।

ओपनर यशस्वी जैसवाल र कप्तान सञ्जु सामसनले पहिलो विकेटको लागि ८९ रनको साझेदारी गरे। पहिलो पावर प्लेमा राजस्थानले ५३ रन बनाएको थियो। पन्जाबले १०.२ ओमा पहिलो विकेट लियो। लोकी फर्गसनले ३८ रन बनाएका सञ्जुलाई आउट गरे।

यशस्वी भने ४० बल खेल्दै २ चौका र ३ छक्का प्रहार गर्दै अर्धशतक बनाए। उनको यो सिजनको पहिलो अर्धशतक हो। ६७ रन जोडेर उनी पनि फर्गसनकै बलमा आउट भए। उनले ४५ बल खेल्दै ३ चौका र ५ छक्का प्रहार गरे।

त्यसपछि नितिश राना १२ रनना र सिम्रन हेटमेर २० रनमा आउट भए। तेस्रो क्रमका ब्याटर रियान परागले विष्फोटक ब्याटिङ गरे। उनले २५ बल खेल्दै ३ चौका र ३ छक्काको मद्दतमा अविजित ४३ रनको पारी खेले। ध्रुव जुरेलले मात्र ५ बल खेल्दै १ चौका र१ छक्काको मद्दतमा अविजित १३ रन बनाए।

बलिङमा लोकी फर्गसनले ४ ओभर बलिङ गर्दै ३७ रन दिएर २ विकेट लिए। मार्को जेनसेन र अर्शदीप सिंहले समसन विकेट झारे। पन्जाब लगातार तेस्रो जित निकाल्ने दाउमा रहेको छ।