एजेन्सी –इण्डियन प्रिमियर लिग (आइपिएल) मा मुम्बई इण्डियन्सले पाँचौं जित हात पार्दा लिगको तेस्रो स्थानमा उक्लिएको छ।

मुम्बईले आज सनराइजर्स हैदरबादलाई ७ विकेटले माथ दियो। जितको लागि १ सय ४४ रनको सहज विजय लक्ष्य मुम्बईले १५.४ ओभरमा ३ विकेट गुमाउँदै पूरा गर्यो। रोहित शर्माले ४६ बलमा ८ चौका र ३ छक्कासहित सर्वाधिक ७० रन बनाए।

१९ बलमा सूर्यकुमार यादव ४० रनमा अविजित रहँदै टिमलाई जित दिलाए। विल ज्याक्सले २२ रन बनाएका थिए। बलिङमा जयदेव उनादकट, इशान मालिङ्गा र जिशन अन्सारीले १/१ विकेट लिए।

त्यसअघि पहिले ब्याटिङ गरेको हैदरबादले कडा संघर्ष गर्दै ८ विकेटको नोक्सानीमा १ सय ४३ रन बनायो। अत्यन्त खराब सुरूवात गरेको सनराइजर्सले मात्र १३ रन जोड्दा ४ महत्वपूर्ण विकेट गुमाएको थियो।

ओपनर ट्राभिस हेड बिना रन जोडी आउट भए। इशान किशन १ रनमा, अविनाश शर्मा ८ रनमा र नितिश कुमार रेड्डी २ रनमा पबिलियन फर्किए। यसपछि पाँचौं विकेटको रूपमा अंकित बर्मा १२ रनमा आउट भए।

त्यसपछि हेन्रिक क्लासेन र अभिनव मनोहर ले छैटौं विकेटको लागि ९९ रन बनायो। अभिनव ४३ रन बनाएर आउट भए। हेन्रिकले ४३ बल खेल्दै ९ चौका र२ छक्ाक प्रहार गर्दै ७१ रनको पारी खेले।

बलिङमा ट्रेन्ट बाउल्टले ४ ओभरमा २६ रन खर्चेर ४ विकेट लिए। दीपक चाहरले २ विकेट झारे।

जितमा नौ खेल खेलेर १० अंक बनाएको मुम्बई तेस्रो स्थानमा उक्लिएको छ। आठौं खेलमा छैंटौं हार भोगेको सनराइजर्ससँग मात्र ४ अंक छ। सनराइजर्स लिगको नवौं स्थानमा छ।