कुशलको अर्धशतक पूरा

काठमाडौं(हाम्रो खेलकुद) – आइसिसी विश्वकप लिग टु अन्तर्गतको चौथो चरणको त्रिकोणात्मक सिरिजको पहिलो खेलमा स्कटल्याण्डविरुद्ध नेपालका ओपनर कुशल भुर्तेलले अर्धशतक पूरा गरेका छन् ।

कुशलले ४१ बलमा ११ चौकाको सहयोगमा अर्धशतक पूरा गरेका हुन् । ओडिआई करियरमा कुशलको यो नवौं अर्धशतक हो । उनको नाममा ओडिआईमा १ शतक पनि छ ।

उत्कृष्ट ब्याटिङ सुरुवात गरेको नेपालले १२.३ ओभरमा १ विकेट गुमाएर ७८ रन बनाएको छ । अर्का ओपनर आसिफ शेख भने ३३ बलमा २० रन बनाए । कुशललाई साथ दिन क्रिजमा भीम सार्की छन् ।

त्यसअघि नेपाली टोलीले टस जितेर फिल्डिङ रोजेको थियो। पहिले बलिङ गरेको स्कटल्याण्डले निर्धारित ५० ओभरमा ७ विकेट गुमाएर २ सय ९६ रन बनाएको । यो सिरिजमा नेपाल र स्कटल्याण्डका साथ नेदरल्याण्ड्स छ ।