6 days ago
June 10, 2025
काठमाडौं(हाम्रो खेलकुद) – मधेश प्रदेशले टिबी साह मेमोरियल राष्ट्रिय यु-१६ प्रतियोगितामा लुम्बिनीलाई हराएको छ ।
सुर्खेतमा मंगलवार मधेशले लुम्बिनी प्रदेशलाई २ विकेटले हरायो । १ सय २७ रनको लक्ष्य मधेशले २५.४ ओभरमा ८ विकेट गुमाएर पूरा गर्यो ।
मधेशका सन्तु मण्डलले १७ बलमा ४ छक्काको सहयोगमा सर्वाधिक २८ रन जोडे । आयान मुखिया २३, महि यादव १५ तथा सुसान्त सिंह १२ रनमा आउट भए ।
लुम्बिनीका लागि सुभम खनाल र प्रिन्स पालले समान ३ तथा लक्ष्मण कुमालले १ विकेट लिए ।
त्यसअघि विरेन्द्रनगर क्रिकेट मैदानमा टस जितेर लुम्बिनीले ब्याटिङ रोजेकोमा ३१.३ ओभरमा १ सय २६ रनमा समेटिएको थियो ।
लुम्बिनीका लागि रौनक श्रीवास्तवले ३८ बलमा ७ चौकाको सहयोगमा सर्वाधिक ४० रन जोडे । केशव विष्टले ५२ बलमा २५ रन जोड्नु बाहेक लुम्बिनीका अन्य खेलाडीले दोहोरो अंकमा रन जोड्न सकेनन् ।
समूह चरणको अन्तिम खेल खेलेको मधेश ६ खेलमा ८ अंकका साथ शीर्ष स्थानमा रहेको छ । मधेशले शीर्ष २ मा रहेर फाइनल खेल्ने सम्भावना पनि बलियो बनाएको छ । लुम्बिनीको ४ खेलमा ४ अंक रहेको छ ।
June 17, 2025
काठमाडौं (हाम्रो खेलकुद) – स्कटल्याण्डमा जारी त्रिकोणात्मक टि२०आई सिरिजको पहिलो खेलमा नेदरल्यान्ड्सले नेपाललाई तेस्रो सुपर ओभरमा हराएको छ । नेदरल्यान्ड्सले प्रस्तुत गरेको १ सय ५३ रनको लक्ष्य पछ्याउने क्रममा नेपालले २० ओभरमा ८ विकेट गुमाएर १ सय ५२ रन जोडेपछि खेल सुपर ओभरमा धकेलियो । सुपर ओभरमा नेपालले १९ रन जोड्दा जवाफमा नेदरल्यान्ड्सले पनि १९ […]
June 16, 2025
काठमाडौं (हाम्रो खेलकुद) – नेपाली राष्ट्रिय क्रिकेट टोलीले स्कटल्यान्डमा जारी त्रिकोणात्मक टि२०आई सिरिजको आफ्नो पहिलो खेलमा नेदरल्यान्ड्सबाट १ सय ५३ रनको प्रतिस्पर्धात्मक लक्ष्य पाएको छ । नेपालका कप्तान रोहित पौडेलले टस जितेपछि पहिलो ब्याटिङको निम्तो पाएको नेदरल्यान्ड्सले निर्धारित २० ओभरमा ७ विकेट गुमाएर १ सय ५२ रन जोड्यो । नेदरल्यान्ड्सका लागि मध्यक्रमका ब्याटर तेजा निदामनुरुले […]
June 16, 2025
काठमाडौं (हाम्रो खेलकुद) – अलराउन्डर रुपेश सिंह र ब्याटर किरण ठगुन्नाले नेपाली राष्ट्रिय क्रिकेट टोलीका लागि डेब्यु गरेका छन् । नेपाली राष्ट्रिय क्रिकेट टोलीले स्कटल्याण्डमा जारी टि२० अन्तर्राष्ट्रिय त्रिकोणात्मक सिरिज अन्तर्गत आज आफ्नो पहिलो खेल खेल्दैछ । उक्त खेलमा किरण र रुपेशले पहिलो पटक राष्ट्रिय टोलीको प्रतिनिधित्व गर्न लागेका हुन् । मध्यक्रममा आक्रामक ब्याटिङ गर्ने […]
