6 months ago
June 12, 2025
एजेन्सी – विश्व टेस्ट च्याम्पियनसिपको पहिलो दिन बलर रहे । पहिलो इनिङमा अस्ट्रेलियालाई २ सय १२ रनमा अलआउट गराएको दक्षिण अफ्रिका जवाफी ब्याटिङमा संघर्ष गर्नुपरेको छ।
दिनको खेल सकिँदा दक्षिण अफ्रिकाले ४३ रन जोड्दा ४ विकेट गुमाइसकेको छ। तीव्र बलर कगिसो रबाडाले चिया ब्रेकपछि छोटो समयमा अष्ट्रेलियालाई २ समय १२ रनमै समेट्न मुख्य भूमिका खेले। उनले ५ विकेट लिए।
६६ रन बनाएका स्टिभ स्मिथले र ७२ रन बनाएका बिउ वेब्स्टरले पाँचौं विकेटका लागि ७९ रनको साझेदारी गर्दै अष्ट्रेलियालाई ६७-४ को संकटपूर्ण अवस्थामा जोगाएका थिए ।
तर अन्तिम ५ खेलाडीले जम्मा १८ रन मात्र थप्न सकेका थिए । रबाडाको अनुशासित र कुशल बलिङका अगाडि अष्ट्रेलियियन टोली निरीह देखियो।
रबाडा हालै एक मनोरञ्जनात्मक लागूपदार्थ सेवनको कारण छोटो प्रतिबन्ध भोगेका थिए । त्यस कारण उनीमाथि केही आशंका थियो।
यद्यपि, यस खेलमा उनले लिएका विकेटहरूले उनलाई दक्षिण अफ्रिकाका सबैभन्दा धेरै टेस्ट विकेट लिने खेलाडीको सूचीमा महान एलन डोनाल्डलाई उछिन्दै चौथो स्थानमा पुर्याएको छ।
जवाफमा दक्षिण अफ्रिकाले ब्याटिङमा संघर्ष गर्नुपरेको थियो। अस्ट्रेलियन बायाँ हाते तीव्र बलर मिचेल स्टार्कले ओपनरहरू एडेन मार्कराम (०) र रायन रिकेलटन (१६) लाई सस्तोमा आउट गरे।
त्यसपछि कप्तान प्याट कमिन्सले वियान मुल्डर (६) लाई क्लिन बोल्ड गरेका थिए। जोश हेजलवुडले ट्रिस्टन स्टब्स (२) को डिफेन्स चिर्दै आउट गरेका थिए। तेम्बा बावुमा ३ र डेभिड बेडिङह्याम ८ दोस्रो दिन ब्याटिङ सुरु गर्नेछन्।
December 6, 2025
काठमाडौं (हाम्रो खेलकुद)- शीर्षस्थानको सुदूरपश्चिम रोयल्सलाई हार चखाउँदै विराटनगर किंग्स नेपाल प्रिमियर लिग (एनपिएल) दोस्रो सिजनको क्वालिफायर वानमा पुगेको छ। १ सय ४८ रनको लक्ष्य ११.५ ओभरमा ४ विकेट नोक्सानीमा पूरा गरेको विराटनगरले रन रेटमा काठमाडौं गोर्खाजलाई पछि पार्दै क्वालिफायर वानमा पुगेको हो। विराटनगरले लिग चरणको अन्तिम खेलमा सुदूरपश्चिमलाई ६ विकेटले हराएको हो। लगातार ६ […]
December 6, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) मा सुदुरपश्चिम रोयल्सले विराटनगर किंग्सलाई १ सय ४८ रनको चुनौती दिएको छ। टस जितेर विराटनगरले बलिङ रोज्यो। पहिले ब्याटिङ गरेको सुदूरपश्चिमले २० ओभरमा ६ विकेट गुमाउँदै १ सय ४७ रन बनायो। सुदूरपश्चिमले पहिलो पावर प्लेको सदुपयोग गर्न सकेन। ३६ रन मात्र जोड्दा १ विकेट गुमायो। चौथो ओभरमा […]
December 6, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को प्रतिक्षित खेलमा आज सुदूरपश्चिम रोयल्स र विराटनगर किंग्सबीच खेल हुँदैछ। टस जितेेर विराटनगरका कप्तान सन्दीप लामिछाने फिल्डिङ रोजेको छ। सुदूरपश्चिमले पहिला ब्याटिङ गर्ने छ। सुदूरपश्चिम जारी एनपिएलमा अपराजित एक मात्र टोली हो। जसले लगातार छैटौं खेल जितेर एक खेल अगाडि नै क्वालिफायर वानमा स्थान सुरक्षित गरिसकेको […]
